Enskribita sfero
En geometrio, la enskribita sfero de konveksa pluredro estas sfero kiu estas enhavata en la pluredro kaj tanĝanta al ĉiuj pluredraj edroj. Ĝi estas la plej granda sfero kiu povas esti enhavita tute en la pluredro.
![](https://upload.wikimedia.org/wikipedia/commons/thumb/9/98/01_Tetraeder-Gr%C3%B6%C3%9Fen.png/220px-01_Tetraeder-Gr%C3%B6%C3%9Fen.png)
![](https://upload.wikimedia.org/wikipedia/commons/thumb/1/19/Kepler-solar-system-1.png/220px-Kepler-solar-system-1.png)
Radiuso de enskribita sfero estas unu el karakterizoj de la pluredro.
Enskribita sfero estas duala al ĉirkaŭskribita sfero de la duala pluredro.
Ĉiu konveksa regula pluredro kaj katalana pluredro havas enskribitan sferon, sed ĉe iuj malregulaj pluredroj edroj ne estas tanĝantaj al komuna sfero, kvankam eblas difini la plej granda enhavatan sferon por ĉi tiaj pluredroj.
Por ĉi tiaj okazoj, la nocio de enskribita sfero ne estas certe difinita, kvankam estas diversaj interpretadoj:
- La sfero tanĝanta al ĉiuj edroj (se ĝi ekzistas).
- La sfero tanĝanta al ĉiuj edraj ebenoj (se ĝi ekzistas). Ĉiu edro-transitiva (ne malfinia) pluredro havas ĉi tiun sferon.
- La sfero tanĝanta al donita subaro de edroj (se ĝi ekzistas).
- La plej granda sfero kiu povas esti tute en la pluredro.
Ĉi tiuj sferoj povas koincidi kaj povas ne koincidi.
Ekzemple la regula malgranda steligita dekduedro havas sferon tanĝantan al ĉiuj edroj, sed pli granda sfero povas ekzisti adaptita ene la pluredro.