Kemmental

Kemmental estas komunumo en la distrikto Kreuzlingen de Kantono Turgovio, Svislando. Ĝi havis 2203 loĝantojn je la 31-a de decembro 2007.

Kemmental
Blazono de Kemmental
Hugelshofen, vilaĝo de la komunumo Kemmental
komunumo en Svislando
Kantono	Turgovio
Distrikto	Kreuzlingen
Koordinatoj	47° 37′ 0″ N 9° 10′ 0″ O (mapo)
Nombro de loĝantoj	2203
Areo	28,4 km²
Alteco	548 m super marnivelo
Poŝtkodo	8565, 8566 kaj 8573
Komunumkodo	4666
Mapo de Kemmental

Geografio

Kemmental situas sur la montoĉeno Seerücken sude de Kreuzlingen. La komunumo konsistas el la vilaĝjo Alterswilen, Altishausen, Ellighausen, Lippoldswilen, Neuwilen, Siegershausen, Dotnacht kaj Hugelshofen. Sian nomon Kemmental, kiu signifas "Valo de Kemme", la komunumo ricevis de la rivero Kemme, kiu trafluas la komunumon de oriento al okcidento.

Najbaraj komunumoj

Kemmental limas en okcidento al Wigoltingen kaj Wäldi, en nordokcidento al Tägerwilen, en nordoriento al Kreuzlingen, en oriento al Lengwil, en sudoriento al Berg, en sudo al Weinfelden kaj en sudokcidento al Märstetten.

Trafiko

Kemmental disponas en Siegershausen pri stacidomo de la trajnlinio de Konstanco tra Kreuzlingen al Weinfelden. La ceteraj municipoj de Kemmental atingeblas ek de Siegershausen per diversaj buslinioj.

Historio

La unua dokumenta mencio de municipo sur la teritorio de la hodiaŭa komunumo Kemmental estas tiu de Dotnacht kiel Tottinheiche, kiu datiĝas el la jaro 824. En la jaro 1159 estis menciitaj Neuwilen kiel Nunewillare kaj Altishausen kiel Altinshusin. Sekvis la mencio de Hugelshofen en 1176 kiel Hugolteshouen. El la jaro 1248 datas la unua mencio de Alterswilen kiel Alterswilaer. Lippoldswilen estis menciita en la jaro 1303 Lupoltwile kaj Ellighausen 1331 kiel Adlikusen.

La komunumo Kemmental fondiĝis la 1-an de januaro 1996 per la kunigo de la municipkomunumoj Alterswilen, Hugelshofen kaj la lokkomunumoj Alterswilen, Altishausen Ellighausen, Lippoldswilen, Neuwilen, Siegershausen, Dotnacht kaj Hugelshofen.

La unuopaj vilaĝoj

Alterswilen

La vilaĝo kaj iama komunumo Alterswilen situas en la centro de la hodiaŭa komunumo Kemmental inter Hugelshofen kaj Siegerhausen.

• 
  Preĝejo de Alterswilen
• 
  Alterswilen vidita de Dotnacht

• Alterswilen en la Historia Leksikono de Svislando

Altishausen

Altishausen estas strat vilaĝo en sudokcidento de la komunumo Kemmental, ĉe la vojo de Siegerhausen al Berg.

• 
  Vilaĝeniro
• 
  Faktrabdomoj
• 
  Loĝdomoj en Altishausen
• 
  Loĝdomoj kaj fruktarboj en Altishausen

• Altishausen en la Historia Leksikono de Svislando

Dotnacht

Antaŭ la kreo de la komunumo Kemmental la vilaĝo Dotnacht ĝis la 31-a de decembro 1995 apartenis al la municipa komunumo Hugelshofen. Ĝi situas ĉe la kantona vojo inter Hugelshofen kaj Alterswilen.

• 
  Dotnacht
• 
  Vilaĝenironde Dotnacht

• Dotnacht en la Historia Leksikono de Svislando

Ellighausen

• Ellighausen en la Historia Leksikono de Svislando

Hugelshofen

La iama municipa komunumo Hugelshofen nombris 1990 325 loĝantojn. Dum la tempo de la okupado de la Svisa Ĵurkomunumo ĝis la Helveta Revolucio de 1798 Hugelshofen estis aparta tribunalejo, kiu estis rekte submetita al la ĵurkomunuma vokto.

• 
  Kasteleto en Hugelshofen
• 
  Restoracio Hirschen en Hugelshofen
• 
  Faktrabdomo en Kemmental
• 
  Preĝejo de Hugelshofen

• Hugelshofen en la Historia Leksikono de Svislando

Lippoldswilen

• Lippoldswilen en la Historia Leksikono de Svislando

Neuwilen

• Neuwilen Historia Leksikono de Svislando

Siegershausen

En Siegershausen situas la stacidomo de la fervojlinio de Konstanco al Weinfelden. La stacidomo estas servata de regionaj trajnoj de la entrepreno THURBO. Ĝia unua dokumenta mencio datiĝas el la jaro 1227 kiel Sigehardishusin. Siegershausen estis propra komunumo ĝis la 31-a de decembro 1995. Al ĝi apartenis ekde la 1-a de januaro ankaŭ la vilaĝoj Dippishausen kaj Oftershausen, kiuj ĝis tiam formis la komunumo Dippishausen-Oftershausen. En 1990 Siegershausen havis 403 loĝantojn.

• 
  Stacidomo de Siegershausen
• 
  Stacidomo de Siegershausen
• 
  Statuo de Lucky Luke antaŭ la restoracio Sonnenhof
• 
  Faktrabdomo en Siegershausen

• Siegerhausen en la Historia Leksikono de Svislando  (germane, france, itale)

Konataj personecoj

• Sebastian Vettel, monda ĉampiono de la aŭtomobila Formulo 1 por la jaro 2010 loĝas kaj vivas ek de 2009 en Kemmental.

Vidu ankaŭ

• Siegershausen (stacidomo)

Eksteraj ligiloj

• Oficiala retejo de la komunumo Kemmental
• Kemmental en la Historia Leksikono de Svislando  (germane, france, itale)