Dinamo Moskvo – (ruse), prononco laŭ sistemo IFAdʲɪˈnamə mɐˈskva, per plena nomo Футбольный клуб Динамо Москва - estas profesia futbalklubo de Rusio. Kiel la nomo indikas, ĝi situas en la urbo Moskvo. La unua vira futbalteamo de la klubo estas inter la gvidaj de la lando kaj ankaŭ jam en la epoko de Sovetunio havis gvidan rolon en la futbala Supera Ligo (ruse Высшая лига) de Sovetunio. Tradiciaj klubaj koloroj estas bluo kaj blanko. Krom la sekcio pri futbalo, ankaŭ tiuj pri aliaj sportaj disciplinoj estas sukcesaj. Aparte konata estas la unua vira kluba teamo de glacihokeo.
