Perinto

La printebla versio ne plu estas subtenata kaj povas havi bildigajn erarojn. Bonvolu ĝisdatigi viajn retumilajn legosignojn kaj bonvolu anstataŭe uzi la defaŭltan retumilan printan funkcion.

Perinto (antikve-greke ἡ Πέρινθος) estis granda kaj floranta urbo de antikva Trakio, sur Antaŭponto. Laŭ Johano Tzetzes, ĝi havis en antaŭa periodo la nomon Migdonia (Μυγδονία). Ĝi kuŝas 35 km okcidente de Selimbria kaj 90 km okcidente de Bizanco, sur malgranda duoninsulo de la golfeto kiu portas ĝian nomon, kaj estis konstruita kiel amfiteatro, sur la deklivo de monteto. Ĝia loko estas apud la nuntempa urbo Marmaraereğlisi, en Turkio.