Acero

Kiel legi la taksonomion Acero
Folioj de arĝenta acero (Acer saccharinum)
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonuloj Dicotyledones Ordo: Sapindaloj Sapindales Familio: Sapindacoj Sapindaceae Genro: Acero Acer L.
Arealo de la aceroj Arealo de la aceroj
Aliaj Vikimediaj projektoj

Acero (science: Acer) estas genro de falfoliaj arboj, el kiuj pluraj rimarkeblas per aŭtune buntaj koloroj. La blanka aŭ helruĝa ligno estas utiligata precipe por mebloj kaj tornaĵoj.

• Floroformulo: Ka_4-5Ko_4-5A_{4+4aŭ 5+5}G ₍₂₎ ovario supre staranta
• Infloresko:umbelo, grapolo
• Frukto: duopa samaro

Specioj

• kampa acero (Acer campestris) estas malgranda arbo aŭ arbeto kreskanta ofte en heĝoj en la nenordaj partoj de Eŭropo; la negrandaj folioj estas kvinlobaj, sen akraj pintoj.
• sikomora acero (Acer pseudoplatanus) ties foliofingraĵoj estas pintaj; la plej abunda speco de acero en Eŭropaj arbaroj, ĉefe sur ebenaĵoj.
• verda aŭ Manitoba acero (Acer negundo) kreskas en Nord-Ameriko
• plataneca acero (Acer platanoides), indiĝena en granda parto de Eŭropo
• tatara acero (Acer tataricum) (nigraringa acero) oftas en kverka arbaro
• sukeracero (Acer saccharum) ĝiaj 3-5-lobaj folioj estas simbolo por Kanado, bildigita sur la Kanada flago.
• Arĝenta acero (Acer saccharinum) en Nordameriko.
• Acer tibetense
• Balkana acero Acer heldreichii en Balkana duoninsulo kaj Turko, Armenio, Rusio.
• velura acero (Acer velutinum) en la hirkaniaj-kaspiaj miksaj arbaroj (Azerbajĝano, Irano)

kelkaj acerspecoj havas foliojn tute ne similajn al tipaj aceroj, ekzemple

• Karpenofolia acero (Acer carpinifolium) en Japanio.