Risch Rotkreuz
| Risch Rotkreuz | |||||
|---|---|---|---|---|---|
 | |||||
 | |||||
| komunumo en Svislando • urbo en Svislando | |||||
| |||||
| Kantono | Zugo | ||||
| Distrikto | Ne estas distriktoj en Kantono Zugo. | ||||
| Koordinatoj | 47° 8′ 29″ N 8° 25′ 54″ O / 47.14139 °N, 8.43167 °O (mapo)Koordinatoj: 47° 8′ 29″ N 8° 25′ 54″ O / 47.14139 °N, 8.43167 °O (mapo) | ||||
|
| |||||
| Nombro de loĝantoj | 8818 | ||||
| Areo | 22,90 km² | ||||
| Alteco | 442 m super marnivelo | ||||
| Poŝtkodo | 6343 | ||||
| Komunumkodo | {{{kodo}}} | ||||
Risch Rotkreuz estas komunumo en Kantono Zugo, Svislando. Ĝi havis 8818 loĝantojn je la 31-a de decembro 2007.
Geografio
[redakti | redakti fonton]La komunumo Risch Rotkreuz situas ĉe la okcidenta bordo de la Lago de Zugo, kaj oriente de la rivero Reuss. Ĝi konsistas el la urbeto Rotkreuz kaj la municipoj Risch, Buonas kaj Holzhäusern.
Limoj
[redakti | redakti fonton]Norde Risch Rotkreuz limas al Hünenberg, kiu estas la unika ligo kun la cetera Kantono Zugo. Aliflanke de la rivero Reuss en okcidente situas la komunumoj Oberrüti kaj Dietwil, kiuj apartenas al Kantono Argovio. En sudokcidento la komunumo limas al la tri lucernaj komunumoj Honau, Root kaj Meierskappel kaj en sudo ĉe la bordo de la Lago de Zugo al la ŝvica komunumo Küssnacht.
Trafiko
[redakti | redakti fonton]La stacidomo de Rotkreuz estas nodo de Svisaj Federaciaj Fervojoj de kie estas trajnlinioj al Gotardo, Lucerno, Araŭo kaj Zuriko. Risch ankaŭ estas ligita al la loka reto de Zugerland Verkehrsbetriebe.
En Rotkreuz kruciĝas la naciaj aŭtovojoj A14 kaj A4, kaj krome pasas la tra la komunumo la ĉefvojoj 4 kaj 368.
Sur la Lago de Zugo trafikas liniŝipoj al Ĥamo, Zugo kaj Arth.
Historio
[redakti | redakti fonton]Post la milita interveno de Napoleono okaze de la Helveta Revolucio en la jaro 1798 la voktejo Gangolfswil kaj la regnejo Buonas estis kunigitaj al la hodiaŭa politika komunumo Risch Rotkreuz.
La 22-an de januaro 1506 estis fondita de Peter von Hertenstein en Buonas la Svisa Gvardio de la Papo.
Esperanto-Movado
[redakti | redakti fonton]En Rotkreuz vivas Sonja Brun la iama ĉefdelegitino de UEA por Svislando kaj troviĝis dum multaj jaroj la sidejo de la Svisa Asocio de Esperantistaj Fervojistoj, kiu ĉesis funkcii en 2006.
Vidu ankaŭ
[redakti | redakti fonton]Eksteraj ligiloj
[redakti | redakti fonton]
| ||||||
