Diogo de Azambuja
Diogo de Azambuja | |
---|---|
Persona informo | |
Naskiĝo | 1-an de januaro 1432 en Montemor-o-Velho |
Morto | 1-an de januaro 1518 (86-jaraĝa) en Montemor-o-Velho |
Lingvoj | portugala |
Ŝtataneco | Reĝlando Portugalio ![]() |
Okupo | |
Okupo | esploristo militisto ![]() |
Diogo aŭ Diego de Azambuja (n. en 1432, m. en 1518) estis portugala nobelo kaj esploristo.
Soldato
[redakti | redakti fonton]Li estis naskita ĉe Montemor-o-Velho, en la nuna distrikto Coimbra de Portugalio, kaj iĝis kavaliro de la ordeno de Aviso en la servo de la Infanto Pedro, filo de la samnoma reganto Infanto Pedro, duko de Koimbro. Post la malvenko kaj morto de la patro Pedro en la batalo de Alfarrobeira (1449), li akompanis sian majstron, filo Pedro, en ekzilon. En 1458, li batalis flanke de Alfonso la 5-a de Portugalio en la konkero de Alcácer-Ceguer (nun konata kiel Ksar es-Seghir) borde de la Ĝibraltara Markolo en Maroko. Li ricevis plurajn honorojn kaj iĝis konsilisto de la reĝo. Dum la Milito de Kastilia Sukcedo, li partoprenis la rekapton de la urbo kaj kastelo de Alegrete proksime de Portalegre de la kastilianoj. Li estis vundita en la gambo dum tiu engaĝiĝo.
Portugala ora marbordo
[redakti | redakti fonton]![](https://upload.wikimedia.org/wikipedia/commons/thumb/a/a6/Elmina_slave_castle.jpg/280px-Elmina_slave_castle.jpg)
En 1481, Diogo estis nomumita fare de Johano la 2-a de Portugalio kiel kapitano de floto konsistanta el naŭ karaveloj kaj du ŝipoj kun 600 soldatoj kaj 100 masonistoj kaj ĉarpentistoj. Ili estis senditaj, kune kun la necesa ŝtono kaj aliaj materialoj, por konstrui fortikaĵon nomitan São Jorge da Mina ĉe la Gvinea Golfo en la portugala kolonio ora marbordo (la nuna Ganao). Tio iĝis la plej konata atingo de lia longa vivo. Ili elektis favoran defendan pozicion por la fortikaĵo, kaj konstruo estis preskaŭ finita post nur 20 tagoj, malgraŭ rezisto de la indiĝena loĝantaro.
Kun la fortikaĵo finita, kontaktoj estis establitaj kun la loka loĝantaro por establi komercon. Diogo de Azambuja sendis la floton reen al Lisbono kun mesaĝo ke la misio estis sukcese plenumita, kaj li restis malantaŭe kiel kapitano de la fortikaĵo kun forto de 60 soldatoj. Li tenis tiun postenon ĝis 1484. La fortikaĵo nun estas konata kiel "kastelo Elmina".
Kortegano
[redakti | redakti fonton]Diogo estis rekompencita de la reĝo kun la posteno de kastelestro de Monsaraz, kaj ankaŭ estis nomita al la Privata Konsilio. Diogo de Azambuja restis ligita al la servo de la reĝo dum multaj jaroj, malgraŭ sia progresa aĝo kaj handikapita gambo. Li jam estis pli ol 70-jara en 1506 kiam Manuelo la 1-a komisiis lin konstrui fortikaĵon nomitan "Castelo Real" ĉe Essaouira, proksime de Safi, en la sudo de Maroko, por protekti portugalajn interesojn en la areo. Diogo de Azambuja ne nur plenumis la mision, li ankaŭ prenis la urbon Safi, kie li restis kiel kapitano ĝis 1509, en la aĝo de 77 jaroj. En tiu tempo li finfine revenis al Portugalio, kie li mortis en 1518, 86-jara.