Iragna
| Iragna | |
|---|---|
 | |
| Blazono de Iragna | |
 | |
| Iragna | |
| Kantono | Tiĉino |
| Distrikto | Riviera |
| Komunumaro | Riviera |
| Koordinatoj | 46° 20′ 0″ N 8° 58′ 0″ O / 46.33333 °N, 8.96667 °O (mapo)Koordinatoj: 46° 20′ 0″ N 8° 58′ 0″ O / 46.33333 °N, 8.96667 °O (mapo) |
| Nombro de loĝantoj | {{{loĝantoj}}} |
| Areo | 18,39 km² |
| Alteco | 295 m super marnivelo |
| Poŝtkodo | 6707 |
| Komunumkodo | 5284 |
 | |
| Mapo de Iragna | |
Iragna estas komunumo de la komunumaro Riviera kaj la distrikto Riviera en Kantono Tiĉino, Svislando. Ĝi havis 549 loĝantojn je la 31-a de decembro 2011.
Geografio
[redakti | redakti fonton]Iragna situas en la sudo de la Valdo de Leventina, ĉe la okcidenta flanko de la rivero Tiĉino. La komunuma teritorio etendiĝas okcidenten en la Valo de Iragna ĝis al la alpaj montokrestoj, kiuj disigas ĝin de la Valo de Verzasca. La komunumo konsistas el la vilaĝo Iragna kaj la setlejoj Mairano en nordo kaj Blono en sudo kaj kelkaj izolitaj bienoj.[1]
La teritorio de la komunumo etendiĝas sur areo de 18,38 km², de kiuj 69,7% estas kovritaj de arbaro, 7,6% servas por agrikulturo kaj 3,9% por setlado. [2]
Najbaraj komunumoj
[redakti | redakti fonton]La komunumo Iragna limas en nordo al Personico, en oriento al Biasca, en sudoriento al Osogna, en sudo al Lodrino, kaj en okcidento al Lavertezzo.
Trafiko
[redakti | redakti fonton]Tra Iragna pasas la kantona ĉefvojo n-ro 408 de Biasca al Belinzono. Aliflanke de la rivero paralele al la komunuma limo kondukas la svisa aŭtovojo A1, kies plej proksima alveturejo situas rekte norde de la komunumlimo apud Biasca.
Historio
[redakti | redakti fonton]La unua dokumenta mencio de Iragna datiĝas el la jaro 1210 Inagna. Dum mezepoko Iragna estis unu el la komunumoj de la vala komunumaro de Leventino ĝis 1441, kiam la Valon de Leventina estis al si alproprigis Urio kaj Iragna disiĝis de la leventina komunumaro kaj fariĝis parto de vikario memregita de la vilaĝanoj sub la protekto de la dukoj de Milano. Ek de 1406 inter Iragna kaj la cetera Leventino estiĝis disputoj pri arbaraj rajtoj, kiuj kondukis al la Milito de Giornico. La 14-an de aprilo 1467 Iragna estis okupita de la leventinanoj. la 17-an de novembro 1478 Iragna aliĝis al la Svisa Ĵurkomunumo, kaj formis ek de tiam parton de la Voktejo Riviera, kiu post la kreo de Kantono Tiĉino en la jaro 1803 fariĝis distrikto kaj komunumaro.[3][4]
Notoj kaj referencoj
[redakti | redakti fonton]- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Giuseppe Chiesi: Iragna en Historia Leksikono de Svislando (2007-11-01)
- ↑ Fonto: Paĝo pri la historio de Iragna en la retejo de la komunumo Arkivigite je 2013-03-26 per la retarkivo Wayback Machine
Eksteraj ligiloj
[redakti | redakti fonton]- Oficiala retejo de la komunumo Iragna Arkivigite je 2011-02-28 per la retarkivo Wayback Machine
- Vidu ankaŭ en la Vikimedia Komunejo la kategorion Iragna – (Kolekto de bildoj kaj plurmediaj dosieroj)
| ||||||
