Mimi o sumaseba

"Se vi streĉas la orelojn"
animea filmo
Originala titolo	耳みみをすませば [Mimi ŭo sumaseba]
Produktadlando	Japanio
Originala lingvo	japana lingvo
Kina aperdato	15 jul. 1995, 5 feb. 1995, 13 dec. 1996
Daŭro	111 minutoj
Ĝenro	animeo
Kameraado	Kitarō Kōsaka
Reĝisoro(j)	Kondo Joŝifumi
Produktisto(j)	Toŝio Suzuki • Mijazaki Hajao
Scenaro	Mijazaki Hajao
Laŭ la verko de	Hiiragi Aoj
Muziko de	Nomi Juĝi
Produktinta firmao	Studio Ghibli
IMDb

Mimi o sumaseba (japane: 耳みみをすませば [mimi ŭo sumaseba], laŭvorte: Se vi streĉas la orelojn) estas japana animacia filmo de Studio Ghibli, publikigita en 1995. La filmo rakontas delikatsente pri la kreskanta amo inter du gejunuloj.

La reĝisoro estis Kondo Joŝifumi. La scenaron por la filmo skribis Mijazaki Hajao (kaj estis produktanto), la rakonto bazas sur mangao de Hiiragi Aoj. La muzikon por tiu filmo komponis Nomi Juĝi.

Intrigo

La 14-jara lernantino Cukiŝima Ŝizuku loĝas kun sia familio en Nova Urbo Tama (多摩たまニュータウン [Tama Njūtaun]) en Tokio kaj pasigas sian tempon elpensante novan tekston por la usona kanto "Take me home, country roads" [tejk mi hoŭm kantri roŭdz] ("prenu min hejmen, kamparaj vojoj"), samtempe neglektante sian lernejan studon. Iutage ŝi hazarde trovas rave belan butikon de brokantaĵo, kaj maljuna butikestro montras al ŝi fascinan antikvan staran horloĝon kaj katan figuron, nomatan "Barono". Poste ŝi eltrovas, ke junulo de ŝia lernejo, Amasaŭa Sejĝi estas la nepo de la maljuna viro el la butiko. Ŝizuku jam antaŭe sciis la nomon de Sejĝi, ĉar li prunteprenis ofte la samajn librojn el la biblioteko kiel ŝi — ĉiam antaŭ ŝi. Kiam ŝi ekscias, ke li klopodas iĝi viol-faristo, ŝi hontas, ĉar ŝi vivas sen havi tielan celon, sed malrapide amikiĝas kun li. Kiam Sejĝi foriras al Italio por provstudo ĉe instrument-faristo en Kremona, ŝi decidas iĝi verkisto kaj skribi novelon pri la kata figuro antaŭ lia reveno...

Ĉefaj roluloj

• Cukiŝima Ŝizuku (月島つきしま雫しずく [cukiŝima ŝizuku])

14-jara lernantino kaj legemulino, la protagonisto de tiu filmo.

• Amasaŭa Sejĝi (天てん沢さわ聖きよし司し [amasaŭa sejĝi])

15-jara lernanto en la sama lernejo kiel Ŝizuku.

• Cukiŝima Ŝiho (月島つきしま汐しお [cukiŝima ŝiho])

La 19-jara fratino de Ŝizuku.

• Cukiŝima Sejja (月島つきしま靖やすし也 [cukiŝima seija])

La patro de Ŝizuku.

• Cukiŝima Asako (月島つきしま朝子あさこ [cukiŝima asako])

La patrino de Ŝizuku.

• Niŝi Ŝiro (西にし司郎しろう [niŝi ŝirō])

La 80-jara butikisto kaj avo de Sejĝi.

• Harada Juko (原田はらだ夕子ゆうこ [harada jūko])

14-jara samklasanino kaj amikino de Ŝizuku.

• Sugimura (杉村すぎむら [sugimura])

14-jara samklasano de Ŝizuku.

• Mun (ムーン [mūn], laŭvorte: luno)

Memvola, iomete mistera virkato.

Filmo

La filmo "Mimi o sumaseba" aperis en 1995 en la kinejoj de Japanio, kaj en la jarfino de 1995 ankaŭ sur laserdisko (LD). Tiu laserdisko estis la unua japana filmo, kiu estis aĉetebla kun Dolby Digital (DD 5.1). Kelkajn jarojn poste, en 2002 tiu filmo aperis en Japanio ankaŭ sur DVD kun japanaj kaj anglaj subtekstoj.

Sciindaĵoj

En la filmo Ŝizuku tradukas la usonan kanton "Take me home, country roads" en la japanan por la lerneja ĥoro kaj ankaŭ verkas novan tekston por tiu kanto pri sia hejm-urbo, titolita "Concrete Road" ("betonstrato"). Tiu kanto sonas kelkfoje en la filmo kaj ludas tie sian rolon.

La scenoj en la fantasta lando, pri kiu Ŝizuku skribas sian novelon, entuziasmigis la rigardantojn tiome, ke Studio Ghibli poste decidis produkti alian filmon pri la fantasta mondo de la kato "Barono". Tiu filmo aperis 2002 kaj nomiĝas Neko no ongaeŝi ("La kato repagas sian dankŝuldon").

Tiu filmo estas la ununura, en kiu Kondo Joŝifumi estis reĝisoro. Li estis la planita sekvanto de Mijazaki Hajao kaj de Takahata Isao en la Studio Ghibli, sed li mortis 1998 nur 47-jaraĝe pro aneŭrismo.

Titolo en aliaj lingvoj

lingvo	titolo	signifo
angla	Whisper of the Heart	flustro de la koro
ĉeĥa	Šepot srdce	flustro de (la) koro
franca	Si tu tends l'oreille	se vi streĉas la orelon
hispana	Susurros del corazón	susuroj de la koro
hungara	A könyvek hercege	la princo de libroj
itala	Il sospiro del cuore	la suspiro de la koro
japana	耳みみをすませば	se vi streĉas la orelojn
kantona	夢幻むげん街がい少女しょうじょ	junulino (sur) sonĝa strato
normĉina	心しん之の谷たに	la valo de la koro	(aludo al la jam fama filmo de Mijazaki, normĉine: 风之谷だに "(la) valo de (la) vento")
pola	Słuchaj uważnie	aŭskultu atenteme

Libroj

En 1995 la filmo Mimi o sumaseba aperis ankaŭ kiel kolorplena kvar-voluma filmkomikso.

• japane 音楽おんがく教室きょうしつ
• japane 802な日々ひび
• japane 中古ちゅうこCD 名古屋なごや Arkivigite je 2010-10-19 per la retarkivo Wayback Machine