Mittellandkanal

Mittellandkanal
Mallongigo	MLK
Situo	Germanio: federaciaj landoj Nordrejn-Vestfalio, Malsupra Saksio, Saksio-Anhalto
Longeco	325,7 km
Konstruita	1906 ĝis 1942 (de Nordrejn-Vestfalio ĝis la rivero Elbo)
Plukonstruita	ampleksigita ekde la jaro 1965, plukonstruo de la Elbo ĝis la Elbo-Havel-kanalo 1993 ĝis 2003
Okcidenta fino	debranĉiĝo de la Dortmund-Emso-kanalo apud Hörstel
Orienta fino	transiro al la Elbo-Havel-kanalo apud Hohenwarthe
Gravaj kluzoj	Anderten (Hindenburgschleuse), Sülfeld, Hohenwarthe
Krucantaj riveroj	Hase, Weser, Leine, Elbo
en Minden la kanalo sur ponto vojas super la rivero Weser

la Mittellandkanal en Hanovro-Bothfeld

La kanalo Mittellandkanal - en Esperanto "mezlanda kanalo" - estas akvovojo de 325,7 kilometroj inter la okcidento kaj oriento de Germanio - temas pri la plej longa kanalo en Germanio. La kanalo ligas la riveron Rejno pere de la kanaloj Rejno-Herne-kanalo aŭ Wesel-Datteln-kanalo kaj poste Dortmund-Emso-kanalo okcidente kun la rivero Odro pere de la Elbo-Havel-kanalo, Havel kaj la Havel-Odro-akvovojo oriente. Per tio ĝi ebligas ŝipan veturon inter Nederlando, okcidenta Francio kaj Svislando okcidente kaj Pollando kaj Ĉeĥio.

Dum sia vojo de okcidento al oriento la kanalo devas superponti plurajn riverojn, kiuj fluas de sudo al nordo, rekte aŭ malrekte al la Norda Maro - temas interalie pri la riveroj Hase, Weser, Leine kaj Elbo. Estas relative imprese vidi, kiel unu akvovojo kun multaj kubikmetroj da akvo kaj pezaj kargoŝipoj per ponto gvidiĝas super alia akvovojo kun simile multaj kubikmetroj da akvo kaj same pezaj kargoŝipoj.

Pluraj flankaj kanaloj ligas la ĉefan kanalon al pli grandaj urboj de la regiono.

Esperantaj detaletoj

Pluraj esperantistoj sur la kanalo akiris siajn licencojn pri motorboatado (kapablo, pri kio oni malofte konscias dum movadaj renkontiĝoj) ... ekzemple la gefratoj Birgit Prien, Thomas kaj Wieland Pusch.

Urbaj kaj neurbaj komunumoj laŭlonge de la kanalo

Listigo laŭ la kanala vojo de okcidento orienten

• Nordrejn-Vestfalio
  • distrikto Steinfurt
    • Hörstel, Ibbenbüren, Recke, Mettingen, Westerkappeln
• Malsupra Saksio
  • distrikto Osnabrück
    • Bramsche, Ostercappeln, Bohmte, Bad Essen
• Nordrejn-Vestfalio
  • distrikto Minden-Lübbecke
    • Preußisch Oldendorf, Espelkamp, Lübbecke, Hille, Minden
• Malsupra Saksio
  • distrikto Schaumburg
    • Bückeburg, Hespe, Meerbeck, Niedernwöhren, Nordsehl, Pollhagen, Lauenhagen, Lüdersfeld, Sachsenhagen, Auhagen, Haste
  • Region Hannover
    • Wunstorf, Seelze, Garbsen, Hannover, Sehnde
  • distrikto Peine
    • Hohenhameln, Peine, Wendeburg
  • urbo Braunschweig
  • distrikto Gifhorn
    • Meine, Wasbüttel, Calberlah
  • urbo Wolfsburg
  • distrikto Gifhorn
    • Rühen
• Saksio-Anhalto
  • distrikto Börde
    • Oebisfelde, Bösdorf, Rätzlingen, Kathendorf, Etingen, Wegenstedt, Grauingen, Mannhausen, Velsdorf, Calvörde, Wieglitz, Bülstringen, Haldensleben, Niedere Börde, Wolmirstedt, Glindenberg

Eksteraj ligiloj

ĉiuj baze germanlingvaj

• informoj pri la konstrua ampleksigo de la ĉefa kaj la flankaj kanaloj Arkivigite je 2007-03-10 per la retarkivo Wayback Machine
• paĝo pri la akvovoja kruciĝo Magdeburg
• informoj de la kanala centralo Minden

• 
  debranĉiĝo de Dortmund-Emso-kanalo kaj Mittellandkanal apud Dortmund
• 
  vojo sub la aŭtoŝoseo A2 kaj debranĉiĝo al la flanka kanalo Hanovro-Linden
• 
  malnova kaj nova kanalo apud Minden
• 
  malnova suda ĉambro de la kluzo Sülfeld (malkonstruita dum 2004)

• 
  la kanalo apud Minden: ponto super la rivero Weser
• 
  kanaloponto super la rivero Elbo
• 
  tri pontoj de la kanalo en Hanovro-Buchholz
• 
  la kanalo apud Recke

• 
  la kanalo apud Bad Essen, fone la mezalta montaro Wiehengebirge
• 
  la kanalo apud Minden
• 
  la kanalo apud Braunschweig: fone la urba haveno
• 
  la kanalo en Wolfsburg, fone la aŭtofabrikejo Volkswagen