Serge Sire
Serge Sire | |
---|---|
Persona informo | |
Naskiĝo | 7-an de marto 1944 (80-jaraĝa) |
Lingvoj | Esperanto • franca |
Ŝtataneco | Francio ![]() |
Okupo | |
Okupo | esperantisto desegnisto ![]() |
![](https://upload.wikimedia.org/wikipedia/commons/thumb/0/04/Blason_Sire_Serge.svg/100px-Blason_Sire_Serge.svg.png)
Serge SIRE , esperante Serĝo Sir' (naskiĝis la 7-an de marto 1944), estas franca desegnisto, verkanta ĉefe bildrakontojn (komiksojn; unu el la unuaj en tiu ĝenro en Esperanto). Li kunlaboris - kaj plu kunlaboras - en multaj gazetoj, tamen ĉefe en la satira revuo la Kancerkliniko.
Sire publikigis kelkajn "praajn" albumojn (Noktoj -1978- kaj tri "krestomatioj" de La Kancerkliniko;
Li publikigis en 2013 du albumojn tutkolorajn "BoRoKo" (Bildaj Resumoj de Klasikaĵoj) ĉe SAT-EFK, kaj "Ĉe la lago" (kompilado de bildrakonta serio aperinta en La Sago ĉe SAT-Amikaro.
Li ankaŭ publikigis Kompendion pri blazonoj, specon de elementa lernolibro pri heraldiko, en formo de bildrakonto.
En 2014 aperis "Varma mezepoko" kaj en 2015 "Perverse" ĉe SAT-EFK.
![](https://upload.wikimedia.org/wikipedia/commons/thumb/3/38/Z2Z%25.jpg/220px-Z2Z%25.jpg)
Sire ĝenerale verkas mem la tekstojn de siaj rakontoj, komence sub la pseŭdonimo "H. Elik" - kio konsistigis pseŭdo-skipon "Elik-Sire" - el kio naskiĝis lia karakteriza "subskribo" (heliko kies korpo estas brako).
Tamen notinde estas, ke lia plej ampleksa verko "La Rejnoro" laŭ la opero de Richard Wagner, profitas de la kunlaborado de Georges Lagrange, kiu majstre adaptis la vagneran libreton.
Liaj desegnoj estas tre stiligitaj, la enscenigo ofte surrealista; liaj rakontoj celas komikajn efikojn ofte absurdajn kaj/aŭ erotikajn. Oftas satiraĵoj pri la Esperanto-movado kaj ties kulto al "Zaza" (L.L. Zamenhof). Li sin etiketas "ajnista" (tiu vorto eniris en la moton de la Kancerkliniko, sekve en PIV 2002). Li ankaŭ kunlaboras en Vola Püg'!
Serge Sire, ankaŭ aperis sur scenejo, en la kabaredo "La ruza kruĉo", en ŝercaj skeĉoj aŭ kanzonoj.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Libroj kaj aliaj dokumentoj[rompita ligilo] de kaj pri Serge Sire en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
- Kelkaj epizodoj de Ĉe la lago[rompita ligilo], ĉe SAT-kulturaj retpaĝoj
- Pentraĵoj[rompita ligilo] de Sir', sur retejo de SAT-Amikaro
Koloraj albumoj
[redakti | redakti fonton]- Ĉe la lago - Kronikoj pri la ĉiutaga vivo en Anci'[rompita ligilo], SAT-Amikaro, 2013
- BoRoKo - Bildaj Resumoj de Klasikaĵoj, SAT-EFK, 2013
- Varma Mezepoko - Sagao en unu prologo, tri aktoj kaj unu epilogo, SAT-EFK, 2014
- PerVerse - kunbildaj versaĵoj, SAT-EFK, 2015
- La RejnOro - Lau Rikardo Vagnero en traduko de Georgo Lagrange, SAT-EFK, 2016