Triengen

Por samtitola artikolo vidu la paĝon Triengen-Winikon (stacidomo).

Triengen
Blazono de Triengen
Aerbildo de Triengen
komunumo en Svislando
Kantono	Lucerno
Distrikto	Sursee
Koordinatoj	47° 14′ 10″ N 8° 4′ 33″ O (mapo)
Nombro de loĝantoj	4321
Areo	22,08 km²
Alteco	517 m super marnivelo
Poŝtkodo	6234
Komunumkodo	{{{kodo}}}
Mapo de Triengen

Triengen estas komunumo en la distrikto Sursee en Kantono Lucerno, Svislando. Ĝi havis 4321 loĝantojn je la 31-a de decembro 2008.

Geografio

Triengen situas ĉe la bordo de la rivero Suro inter Sursee kaj Araŭo, proksimume 10 kilometrojn norde de Sursee. La komunumo konsistas el la kvar vilaĝoj Triengen, Kulmerau, Wilihof kaj Winikon.

La teritorio de Triengen etendiĝas sur areo de 14,51 km², de kiuj 22,9% estas kovritaj de arbaro, 65,1% servas por agrikulturo kaj 11.6 por setlado.

Najbaraj komunumoj

La komunumo Triengen limas en nordo al Moosleerau (AG), en nordoriento al Schmiedrued (AG), en oriento al Schlierbach, en sudoriento al Büron, en sudo al Knutwil, kaj en okcidento al Reitnau (AG).

Trafiko

Triengen estas konektita al la publika transportreto per la buslinoj de Sursee al Schöftland kaj de Wilihof al Kulmerau. Ĝis la jaro 1972 inter Sursee kaj Triengen cirkulis la Sursee-Triengen-Fervojo, kiu tiam ĉesis la personotransporton. La fervojo ankoraŭ funkcias por vartransporto kaj krome sur la linio cirkulas nostalgiaj vaportrajnoj.

Sude de la ĉefvilaĝo ĉe la orienta bordo de suro, troviĝas malgranda aerodromo kun la ICACO-Kodo LSPN.

Tra la komunumo pasas la kantona ĉefvojo de Lucerno tra Sursee al Araŭo. La plej proksima alveturejo al la svisa aŭtovojo A2 situas 10 kilometrojn sude en Sursee kaj al la svisa aŭtovojo A1 15 kilometrojn norde en Kölliken (Araŭo-Okcidento).

Historio

La unua dokumenta mencio de Triengen okazis kiel Triingin en la urbaro de la Monaĥejo Engelberg, kiu estis verkita inter 1184 kaj 1190.

Triengen apartenis dum mezepoko al la Senjorejo Büron, kiu estis parto de la habsburga Grafejo Willisau. En la jaro 1407 la urbo Lucerno aĉetis la grafejon, kaj kun ĝi ankaŭ Triengen fariĝis lucerna. Triengen tiam fariĝis parto de la kamparvoktejo Büron-Triengen. Ekde la Helveta Revolucio en la jaro 1798 Triengen apartenis al la distrikto Sursee, kiu ek de 1803 estas oficdistrikto de Kantono Lucerno.

Vidu ankaŭ

• Triengen-Winikon (stacidomo)

Eksteraj ligiloj

• Oficiala retejo de la komunumo Triengen
• Profilo de la komunumo sur la kantona retejo

Distrikto Sursee
Beromünster - Büron - Buttisholz - Eich - Geuensee - Grosswangen - Hildisrieden - Knutwil - Mauensee - Neudorf - Neuenkirch - Nottwil - Oberkirch - Pfeffikon - Rickenbach - Ruswil - Schenkon - Schlierbach - Sempach - Sursee - Triengen - Wolhusen