Andoni Olivares Ijalba (Santutxu, Bilbo, 1958) Arriaga Antzokiko programazio-zuzendaria eta ekoizlea da.[1][2]Espainiako Arte Eszenikoen Akademiako kidea da.[3] Antzerkiko ekoizle eta kudeatzaile gisa ibilbide luzea egin du 2002az geroztik, Arriaga Antzokiko Programazio Zuzendaria da. Antzoki horren lehen programazioaren arduraduna izan zen 1986an, eta, gainera, ekoizle gisa hogeitik gora antzezlanetan parte hartu du, 2003tik gaur egun arte.[3]
1978an Bilboko lehen Aste Nagusia antolatu zenean Begoñako Mahats-Herri konpartsa sortzen parte hartu zuen eta Bilbo mailako Jaietako Azpibatzordean ere bai. Hurrengo urteetan, 1979an 1980an eta 1982an Aste Nagusiko Jai Batzordeko kidea izan zen, Mahats Herriko konpartsako kide moduan. Eta konpartsa desegin zenean 1983 eta 1987 urteen artean Aste Nagusiko programazio osoa (kaleko antzerkia barne) koordinatu zuen Udalaren eta Jai Batzordearen artean.[3]
Aldi berean Euskadiko Antzerki Egonkorraren Programazio Batzordeko kidea ere izan zen 1984 eta 1985ean, hasieran orduko Albeniz Antzokian, eta gero 1987ra arte Aiala Antzokian. Gainera, tarte horretan programazioaren arduraduna izan zen Arriaga Antzoki ireki berrian ere, lehen lau hilabeteetan.[3]
1997tik 2001era, Bilborock Kultur Etxea diseinatu, bultzatu eta kudeatu zuen. Sorkuntza-zentro bihurtu zuten ordura arte La Merced eliza zaharra izan zena.[3]
2009: "Emma”, “Pobres bestias”, ”Les mamelles de Tiresias”, ”Chateau Margoux y La Viejecita” “Bilbao, Bilbao”.
2010: “Mirentxu”, "El barberillo de Lavapies”, ”L’isola desabitata”, ”19.30”, “L’incoronazione di Poppea”, “Fin de partida”, “La espera”, “Ni fu ni fa”.
2023: Espainiako Arte Eszenikoen Akademiaren Urrezko Domina jaso zuen Arriaga Antzokiaren izenean. Saria jaso zuten José Ignacio Malaina zuzendari kudeatzaileak eta Andoni Olivares programazioko zuzendariak. Epaimahaiak nabarmendu zuenez, Arriaga Antzokiak Bilbon ikuskizun handiak eskaintzeaz gain, ekoizpen propioko lan garrantzitsua ere egiten du.[1]
_P1270279.jpg)
.jpg)
Datuak: Q125786212