Edmund Spenser

Edmund Spenser (ˈspɛnsər ahoskatua; Londres, 1552/1553 – ibidem, 1599ko urtarrilaren 13a) poeta ingelesa izan zen.

Edmund Spenser
Irudi gehiago
Poet Laureate of the United Kingdom (en)
Bizitza
Jaiotza	East Smithfield (en) , 1552/1553
Herrialdea	Ingalaterrako Erresuma
Heriotza	Londres, 1599ko urtarrilaren 13a (46/47 urte)
Hobiratze lekua	Westminster abadia
Familia
Ezkontidea(k)	Machabyas Childe (en) Elizabeth Boyle (en)
Hezkuntza
Heziketa	Pembroke College (en) Cambridgeko Unibertsitatea
Hizkuntzak	ingelesa
Jarduerak
Jarduerak	poeta, itzultzailea eta idazlea
Lan nabarmenak	ikusi The Faerie Queene (en)

Cambridgen artea ikasi zuen. Philip Sidney idazle eta politikoaren lagun mina egin zen, eta hari eskaini zion lehen liburua, The Shepeardes Calender (1579, Artzainaren egutegia); liburu horretan bere estilo fin sotila erakutsi zuen eta arkaismo ugariz baliatu zen, gero idatzi zituen obra guztietan bezala. 1580an Irlandako gobernariaren idazkari izendatu zuten eta han eman zuen bizitzaren parterik handiena. 1590an Londresa itzuli zen eta bere obra nagusiaren lehenengo hiru liburukiak argitaratu zituen; The Faerie Queene (1590, Maitagarrien erregina) alegoriazko poema mardula da; Italiako literatura ereduetan oinarriturik idatzia bada ere, eragin handia dute hartan Britainia Handiko elezaharrek eta folkloreak. Liburu horrekin protestantismoa eta Ingalaterrako Elisabet I.a erregina goretsi nahi izan zituen Spenserrek. Obra hura ezin izan zuen bukatu, ordea, hamabi liburukietatik bost besterik ez baitzituen argitaratu; hala ere, eragin handia izan du Britainia Handiko literaturan. Spenserren beste lan aipagarriak: Ephithalamion (1595) eta Four Hymmes in Honour of Love and Beauty (1596, Lau ereserki maitasunaren eta edertasunaren ohoretan).

Erreferentziak

Wikimedia Commonsen badira fitxategi gehiago, gai hau dutenak: Edmund Spenser

• Datuak: Q4352055
• Multimedia: Edmund Spenser / Q4352055