CS Universitatea Craiova

Universitatea Craiova (izen osoa Clubul Sportiv Universitatea Craiova) Errumaniako futbol talde bat da Craiova hirikoa. Errumaniako 3 Liga eta 6 Kopa eskuratu ditu. Honetaz gain Europako txapelketa bateko final erdietara iristen lehenengo talde errumaniarra izan zen, 1983ko UEFA Kopan.

Club Sportiv Universitatea Craiova

Ezizena(k)	Leii albaştri ("Lehoi urdinak")
Sorrera	1948
Futbol zelaia	Stadionul Ion Oblemenco edukiera: 30.322 lagun inaugurazioa: 1963 (2009an berriztua)
Presidentea	Marian Copilu
Entrenatzailea	László Balint
Liga	Errumaniako futbol liga
2023-24	3.a
Webgunea	www.UniversitateaCraiova.ro
Etxekoa 　 Kanpokoa

1948ko taldea.

Historia

Craiovako futbolaren historia 1921ean hasi zen Craiovan Craiova eta Rovine Griviţa Craiova taldeak sortzerakoan. 1948an Unibertsitateko ikasle eta irakasleek FC Universitatea Craiova sortu zuten. Garai onena 70. hamarkadan eta 80. hasieran bizi izan zituen. 1974an Liga irabazi zuen eta 1977 eta 1978an kopak. Hurrengo urteetan ere tituluak lortu zituen eta 1982-83 denboraldian UEFA Kopan ibilbide apartaburutu zuen, final erdietarino iritsi zelarik. SL Benfica talde portugaldarrak utzi zuen finaletik kanpo, Lisboan 0-0 berdindu eta Errumanian 1-1 berdindu ondoren, kanpoan sartutako gol kopuruak erabaki zuen beraz finalista. Constantin Oţet eta Nicolae Ivan ziren talde honen entrenatzaileak eta talde honek Craiova Maxima ezizena jaso zuen.

Azken urteetan maila igo du eta 2018 eta 2021 urteetan Kopa irabazteaz gain 2019-20 denboraldian bigarren egin zuen ligan.

Palmaresa

Errumanian: 10

• Errumaniako Liga (3): 1974, 1980, 1981.
• Errumaniako Kopa (6): 1977, 1978, 1981, 1983, 2018, 2021.
• Errumaniako Superkopa (1): 2021.

Nazio artean: 0

UEFA Kopa

• final erdiak 1983an.

Kanpo estekak

• (Errumanieraz) Webgune ofiziala

• Datuak: Q16838020