Kathleen Winter
Artikulu hau hobetzeko lanean ari da Lurdeswiki lankidea. Hori dela eta, beharbada hutsuneren batzuk izango dira edukian edo formatuan. Mesedez, aldaketa handi bat egin baino lehen, eztabaida ezazu haren lankide orrian edo artikuluaren eztabaida orrian, erredakzioa koordinatzeko. |
Kathleen Winter (Bill Quay, Ingalaterra, 1960ko otsailaren 25a) idazle eta eleberrigile ingelesa eta kanadarra da.
Biografia
Kathleen Winter Bill Quayn jaio zen Ingalaterrako iparraldean, eta 1968an iritsi zen Kanadara. Winterrek Sesame Streeteko gidoilari gisa hasi zuen bere ibilbidea, The Telegram-eko zutabegile bihurtu aurretik St. John's-en. Bere lehen ipuin bilduma, boYs, 2007an argitaratu zen, eta urte horretako Winterset eta Metcalf-Rooke sariak irabazi zituen.
2010ean argitaratu zuen Annabel eleberria, eta Thomas Head Raddall Saria irabazi zuen. 2010eko Scotabank Giller, Rogers Writers 'Trust Fiction Prize eta Governor General' s Awards sarietarako aurrehautatua izan zen. 2011n, urte horretako Orange Prize for Fiction sarirako aurre-hautatua izan zen. 2014an Canada Reads lehiaketarako aukeratu zuten eta Sarah Gadon aktoreak defendatu zuen. Eleberri honek arrakasta handia izan zuen salmentetan, eta hainbat hizkuntzetara itzulia izan zen euskara barne. Josu Zabaleta arduratu zen euskarazko itzulpena egiteaz eta Erein argitaletxeak kaleratu zuen eleberria 2013an (2)
Bigarren ipuin liburua, The Freedom in American Songs, 2014an kaleratu zen, Boundless: Tracing Land and Dream in a New Northwest Passage,ez-fikziozko liburuarekin batera. Boundless Hilary Weston Writers 'Trust Prize for Nonfiction 2014 sarirako aurrehautatua izan zen.
2016ko Scotabank Giller Sariko epaimahaikide izan zen.
Montrealen bizi da, Quebecen, bere senar eta bi alabekin. (3)
Lanak
- Where Is Mario? (1987)
- The Road Along the Shore - An Island Shore Journal (1991)
- The Necklace of Occasional Dreams (1996)
- boYs (2007)
- Annabel (2010)
- The Freedom in American Songs (2014)
- Boundless: Tracing Land and Dream in a New Northwest Passage (2014)
- Lost in September (2017)
Sariak
- Scotiabank Giller Sarirako finalista Annabel-gatik. 2010
- Rogers Writers' Trust Sarirako finalista Annabel-gatik. 2010
- Metcalf-Rooke Saria. 2007
- Winterset Saria. 2008
Erreferentziak
2.- https://ekarriak.armiarma.eus/?i=1084
3.- https://web.archive.org/web/20120308170449/http://www.writersunion.ca/ww_profile.asp?mem=2276&L=
Kanpo estekak
https://kritikak.armiarma.eus/?p=5922
Annabel liburuaren kritika