Agronomia
Appearance
![](https://upload.wikimedia.org/wikipedia/commons/thumb/2/28/Ganzer_Pivot-Barra.jpg/300px-Ganzer_Pivot-Barra.jpg)
Agronomia nekazaritzara aplikaturiko jakintza-arloen multzoa da, hazkuntza ahalik eta modu egokienean burutzeko ikuspuntu ekonomiko zein ekologiko batetik. Bere baitan biologia (landare espezieen hazkuntza egokia eta hobekuntza genetikoa lortzeko, adibidez), kimika (landare baterako ongarri egokienak ezartzeko, adibidez), geologia (lurzoruaren propietateak aztertu eta higadura arazoei aurre egiteko) eta ekonomia (landareen errendimendua eta errentagarritasuna aztertzeko) biltzen ditu, besteak beste. Agronomiako adituei agronomo deritze.