Armand Toussaint

Armand Toussaint
Bizitza
Jaiotza	Paris, 1806ko apirilaren 7a
Herrialdea	Frantzia
Bizilekua	rue de Bellefond (en)
Heriotza	Paris, 1862ko maiatzaren 24a (56 urte)
Hobiratze lekua	Montmartreko hilerria
Hezkuntza
Heziketa	Arte Ederren Goi Eskola Nazionala
Hizkuntzak	frantsesa
Ikaslea(k)	ikusi Aristide Croisy (en) ; Charles Gumery (mul) ; Léon Pilet (en) ;
Jarduerak
Jarduerak	eskultorea
Lan nabarmenak	ikusi Libéral Bruand (en) ; Persephone (en) ;
Jasotako sariak	ikusi Ohorezko Legioko zalduna (1852) ;

François Christoph Armand Toussaint, Armand Toussaint izenarekin ezaguna, (Paris,1806ko apirilaren 7-Ibidem, 1862ko maiatzaren 24) eskultore frantziarra izan zen. Lekeitioko Andre Mariaren Jasokundearen elizan haren obra bat ikus daiteke.

Biografia

Armand Toussaint enpresari sarrailagile baten semea zen. 1827an Parisko Arte Ederren Goi Eskolan sartu zen. David d'Angers eskultorearen ikaslea izan zen. 1832an, Erromako bigarren sari nagusia irabazi zuen. 1836an lehen aldiz, ondoren 1850ean, Salon de l'Académie-n egon zen erakusgai bere obra. Salon horretan, 1839an, hirugarren mailako domina irabazi zuen eta, 1847an, bigarren klasekoa. Parisko École des Beaux-Arts eskultura irakaslea izan zen. 1852an Ohorezko Legioaren zaldun izendatu zuten. Parisko bere etxean, Bellefond kalean, hil zen 1862ko maiatzaren 24an, eta Parisen lurperatu zuten, Montmartreko hilerrian. Ikasleek omendu zuten eta horietako batek, Charles Gumery, bere erretratuarekin brontzezko domina egin zuen, bere hilobian jartzeko; jatorrizko igeltsua Nogent-sur-Seineko museoan dago.

Obrak

*Jean-Étienne Esquiroli oroimenez*, Saint-Maurice, Esquirol ospitalea.

Perséphone : 1840, Indianapolis.
Marseille accueillant les peuples océaniens palais de la Bourse, Marseilla.
Hermesem bustora, David d’Angers, Angerseko Arte Ederren museoa].
Antoine Lavoisierren estatua, Montrougeko udaletxean.
Andre Maria: 1856, Lekeitioko Andre Mariaren Jasokundearen elizan
Le Génie de la force: 1857, Parisko Louvre museoan.
Libéral Bruanden estatua: 1856, Parisko Louvre museoaren fatxadan.
Le Christ assis sur un trône: Parisko Sainte-Clotilde basilikan.
Un Esclave indien portant une torche eta Une Esclave indienne portant une torche: 1847.
Jean-Étienne Esquiroli monumentua: 1861, Saint-Maurice, Esquirol ospitalea.^[1]

Erreferentziak

↑ http://www.culture.gouv.fr/public/mistral/palsri_fr?ACTION=CHERCHER&FIELD_1=REF&VALUE_1=IM94000309 culture.gouv.fr

Kanpo estekak

Datuak: Q4792709
Multimedia: Armand Toussaint / Q4792709

[1] ttp://www.culture.gouv.fr/public/mistral/palsri_fr?ACTION=CHERCHER&FIELD_1=REF&VALUE_1=IM94000309 culture.gouv.fr

[1]