Bahá'í Munduko Erdigune

Bahá'í Munduko Erdigune
Irudi gehiago
Kokapena
Estatu burujabe	Israel
Israelen banaketa administratiboa	Haifa barrutia
Subdistrict of Israel	Haifa Subdistrict
Hiria	Haifa
Koordenatuak	32°48′50″N 34°59′12″E

Baha'i Mundu Erdigunea Bahá'í-en erdigune espiritual eta administratiboa da. Haifa-Akre badiaren inguruan dago kokaturik, Israel. Haifan oso erraz atzeman daiteke portuaren gainean dagoen Karmel mendiko lorategiengatik. Honako eraikin hauek osatzen dute: Bahá'u'lláh-ren hilobia Bahji-n, Akká ondoan; Báb-en santutegia eta haren inguruko lorategiak Karmel mendian Haifan, eta horren ondoan Bahá'í Arkua osatzen duten beste eraikinak, hala nola, Nazioarteko Artxibategiak, Testu Sakratuen Ikasketa Zentroa, Justizia Etxe Unibertsalaren Egoitza eta Nazioarteko Irakaskuntza Zentroaren Egoitza, besteak beste.

Nazioarte mailan, Bahá'í komunitatearen zuzendaritza eta koordinazioa Baha'i Mundu Zentroan egiten da. Haifatik, informazioa nazioko bahá’í erkidegoetara igortzen da; nazioarte mailako helburu eta planak hedatzen dira; garapen ekonomiko eta sozialerako proiektuen jarraipena egiten da; estatistikak bildu eta landu egiten dira; eta nazioarte mailako fondoak administratzen dira. Bertara egiten dute erromesaldia bahá'íek.

Justizia Etxe Unibertsala, Bahá'í fedearen gobernu-organo gorena, Haifan du egoitza. Bere bederatzi kideak bost urtero hautatzen dituzte mundu guztiko Nazio Batzar Espiritualetako kideek. Nazioarteko Irakaskuntza Zentroak ere bertan du egoitza. Bederatzi kidez ere osatuta, kontseilari kontinentalen lana kudeatzen dute eta haien eta Justizia Etxearen arteko zubi lana egiten dute.

Ikus, gainera

• Bab
• Babismo
• Bahá'u'lláh
• Bahá'í fedea
• Bahá'í egutegia

Kanpo estekak

• Bahá'í Munduko Zentroaren webgune ofiziala
• Bahá'í World News Service

• Datuak: Q494706
• Multimedia: Bahá'í World Centre / Q494706