Behar

Adiera zabalean, beharra osasun egoera betean egonik bizitzeko beharrezkoa den zerbaiti deitzen zaio. Nahien kasuan ez bezala, beharrak ase gabe uztean ondorio negatiboak edo disfuntzioak sortzen dira, disfuntzioa edo hiltzea esaterako. Beharrak fisiologikoak (arnasa hartzea, hidratatzea edo jatea, esaterako) zein psikologikoak izan daitezke (autoestimua, maitasuna eta besteengandik onartuta sentitzea, esaterako). Erabilgarritasunaren arabera, behar libreak eta behar ekonomikoak bereizten dira: behar libreak aise asetzen dira, kopuruz eta eskuragarritasunez; behar ekonomikoek, berriz, ahalegina eskatzen dute.