Drag queen
Appearance
![](https://upload.wikimedia.org/wikipedia/commons/thumb/9/95/Logan_Carter_%26_Roxanne_Russell_1975.jpg/200px-Logan_Carter_%26_Roxanne_Russell_1975.jpg)
Drag queena emakumez jantzi eta maiz handizkatutako feminitatearekin edo emakume rolekin jarduten duen pertsona da, sarritan gizonezkoa.[1] Normalean entretenitu edo antzeztea da euren xedea. Ohikoz hainbat ezaugarri handizkatzen dituzte, besteak beste makillajea edo betilleak, efektu komiko, dramatiko edo satiriko bat lortzeko. Nahiz eta gay gizonekin eta gay kulturarekin uztartzen den, sexualitate ezberdinetako drag queen artistak daude. Ez da transexualitatearekin nahasi behar, transexualitate terminoak nortasun sexual eta jaiotzako anatomia sexualaren arteko desadostasun bat adierazten baitu.[2] Kontrajarri bezala drag king terminoa dago, gizon jantzi eta rolekin antzesten duten emakumeak.