El Fary

El Fary
Bizitza
Jaiotzako izen-deiturak	José Luis Cantero Rada
Jaiotza	Madril, 1937ko abuztuaren 20a
Herrialdea	Espainia
Heriotza	Madril, 2007ko ekainaren 19a (69 urte)
Hobiratze lekua	La Almudenaren hilerria
Heriotza modua	berezko heriotza: birikako minbizia
Hezkuntza
Hizkuntzak	gaztelania
Jarduerak
Jarduerak	abeslaria eta zinema aktorea
Altuera	1,55 metro
Musika instrumentua	ahotsa
Diskoetxea	Ariola

José Luis Cantero, ezagunagoa El Fary ezizenez, (Madril, 1937ko abuztuaren 20a - ibidem., 2007ko ekainaren 19a) aktore eta abeslari espainiarra izan zen.

Biografia

Sei anaiaren artean gazteena, Madrilgo Las Ventas auzora joandako Buenache de Alarconko familia xume batean jaio zen, zezen plazatik gertu. Umetan eskolan maiz egiten zuen piper eta Rafael Farina kopla abeslaria —bere idoloa— imitatzen ematen zuen denbora. Hari hartu zion ezizena.

Arrakasta izan aurretik, lorezain eta taxilari moduan ibili zen bere lehen abestiak grabatzeko behar zituen diruak lortzeko. Diskoak grabatu eta editatu ostean, berak saltzen zituen Madrilgo Rastroan. Garai haietan irratiko abeslari lehiaketetan parte hartzen zuen eta herriko festetan ibiltzen zen. 30 urtetik aurrera hasi zen dirua irabazten Kordobara deitu zutenean beste abeslari bat ordezkatzeko. Aurrerago, Antonio Molina legendarioak kontratatu zuen bi hileko bira baterako.

70. hamarkadan kopla gainbehera hasi zen, baina horrek ez zuen El Fary gogogabetu eta hamarkada haren amaieran Espainiako arrakasta zerrendetan sartzen ziren kanta poperoagoak grabatzen zebilen.

90. hamarkadan arrakasta lortu zuen telebistan, Menudo es mi padre telesailean taxilari baten papera antzezten. Pertsonaia neurrira egokitu zioten, eta telesailaren izenak El Fary-ren luzera apalarekin hitz jokoa egiten zuen.

Garai hartan bere bizitzaren inguruko hainbat zurrumurru zabaldu ziren, hala nola, emazteari tratu txarrak ematea edo semearen drogomenpekotasuna.

Hamarkadaren amaieran haren ibilerak gora egin zuen Santiago Segura zinema-zuzendariaren eskutik, Torrente: El brazo tonto de la ley mustu ostean. José Luis Torrente (Santiago Segura berak antzeztutako papera) protagonista gaizki hazitako polizia bat da, arrazista, misoginoa, ustela eta El Fary-ren zaletu sutsua. Filmak El Faryk berariaz grabatutako abesti bat zuen, Apatrullando la ciudad izenekoa. Filmak eta kantak arrakasta handia izan zuten eta beste bi jarraipen filmatu ziren. 2005. urtean, El Faryk Torrente 3: El Protector filmean bere burua antzeztu zuen paper txiki batean. Gainera merchandising pieza berezi bat sortu zuten: Carrofary, autoetako atzeranzko ispiluan zintzilikatzeko El Fary-ren gomazko iruditxoa.

2007ko apirilean, telebistako "Aquí hay tomate" edo "Gente" moduko hainbat programatan El Fary-k biriketako minbizia zuela ziurtatu zuten eta handik zenbait egunera hil zen.

Diskografia

1. Ritmo caló (1975, Belter)
2. Soy gitanito (1977, Movieplay)
3. Camino de la gloria (1978, Movieplay)
4. Yo me estoy enamorando (1979, Movieplay)
5. Canela y limón (1980, Movieplay)
6. Vengo a tí (1981, Movieplay)
7. Amante de la noche (1982, Ariola)
8. Amor secreto (1983, Ariola)
9. Como un gigante (1984, Ariola)
10. Rompecorazones (1985, Ariola)
11. Un paso más (1986, Ariola)
12. Va por ellos (1987, Ariola)
13. A mi son (1988, Ariola)
14. Enamorando (1989, Zafiro)
15. Dedícame una hora (1990, Zafiro)
16. Tu piel (1991, Zafiro)
17. Tomillo, romero y jara (1992, Zafiro)
18. Mujer de seda (1993, Horus)
19. Tumbalero (1995, Horus)
20. Menudo es el Fary (1996, BMG-Ariola)
21. Calle Calvario (1999, Zafiro)
22. Sin trampa ni cartón (2000, Carabirubi)
23. Ese Fary!! (2003, Muxxic)

Erreferentziak

• Datuak: Q1394661