Matsue

Matsue; 松江まつえ市し; 松江まつえ市し (Matsue-shi)
	Japoniako hiri nabarmena
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Chūgoku; Shimane
Alkatea	Masataka Matsuura (en)
Jatorrizko izena	松江まつえ市し
Geografia
Koordenatuak	35°28′05″N 133°02′55″E / 35.46811°N 133.04853°E
Azalera	530,21 km²
Mugakideak	Unnan (en) , Izumo, Yasugi (en) eta Sakaiminato (en)
Demografia
Biztanleria	201.802 (2021eko martxoaren 1a); −4.428 (2015)
Dentsitatea	381 bizt/km²
Informazio gehigarria
Sorrera	2005eko martxoaren 31 eta 1889ko apirilaren 1a
Ordu eremua	UTC+09:00
Hiri senidetuak	Takarazuka (en) , Suzu (en) , New Orleans, Jinju, Yinchuan, Onomichi (en) , Oguchi (en) , Jilin Hiria eta Hangzhou
	http://www.city.matsue.shimane.jp/ www.city.matsue.shimane.jp

Matsue (japonieraz: 松江まつえ市し, Matsue-shi^?) Shimane prefekturako hiriburua da, Japoniako prefektura-hiribururik txikienetakoa, izan ere, 2014ko erroldaren arabera 206.891 biztanle ditu. Hala ere Japoniako itsasoaren ertzean dagoen bigarren hiri japoniar populatuena da Niigataren ondoren.

Geografia

Prefeturaren ipar-mendebaldeko mugan dago, Tottori prefekturaren ondoan. Ohashi ibaiaren bi ertzetan zabaltzen da hiria, Nakaumi eta Shinji aintziren artean. Japoniako itsasoa eta aintzira bien artean kokaturik dagoenez "uraren hiria" (水みずの都と) ezizena eman izan zaio.

Historia

Horio Yoshiharu jauntxoak 1607 eta 1611 artean eraiki zuen gaztelua eta inguruan herria eratuz joan zen. Aintzinako Sanin eskualdearen agintea bertan egon izan zen urte askotan zehar, hasieran Horio leinuaren eskutan eta ondoren Kyogoku familiarenean eta 1637an Matsudairatarrek hartu zuten boterea. Azken hauek Tokugawatarren senideak izanik luze iraun zuten eta gazteluaren inguruan eratu zen hiriari berari ere izena eman zioten.

Lafcadio Hearn idazle greziarra Matsuen izan zen irakasle 1890 eta 1891 artean eta bere etxea izan zena gaur egun museo bihurtua dago.

Matsue hiria bera 1889ko apirilaren 1ean fundatu zen eta XXI mendean inguruko hainbat herri hartuaz bat zabaldu egin da.

Klima

Datu klimatikoak (Matsue, Shimane)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	7.3	8.0	11.8	18.0	22.5	25.3	29.4	31.1	26.4	21.1	15.8	10.5	18.9
Batez besteko tenperatura (ºC)	3.7	4.0	6.9	12.5	17.1	20.9	25.2	26.5	22.0	16.1	11.0	6.4	14.4
Batez besteko tenperatura minimoa (°C)	0.5	0.6	2.5	7.7	12.4	17.3	22.1	22.9	18.5	12.0	6.9	2.7	10.5
Pilatutako prezipitazioa (mm)	151.1	136.5	126.8	124.0	119.6	196.0	268.3	145.4	216.3	135.0	137.8	137.9	1894.7
Eguzki orduak	71.5	83.7	144.1	181.3	216.3	172.0	188.2	215.3	153.4	160.1	111.3	84.4	1781.6
Hezetasuna (%)	76	76	74	73	74	80	82	79	81	79	79	77	77.5
Iturria: NOAA (1961-1990) ^[1]