Nuria Amat

Nuria Amat
	; (2014) Irudi gehiago
Bizitza
Jaiotzako izen-deiturak	Nuria Amat Noguera
Jaiotza	Bartzelona, 1950 (73/74 urte)
Herrialdea	Katalunia
Familia
Bikotekidea(k)	ikusi Jordi Garcés i Brusés (en) ;
Haurrideak	ikusi Frederic Amat;
Familia	ikusi José Espasa Anguera (birraitona); Gay Mercader (en) (izter-lehengusu);
Hezkuntza
Heziketa	Bartzelonako Unibertsitatea ; Bartzelonako Unibertsitate Autonomoa lizentzia, doktore : Philosophy and Humanities (en) , Komunikazio zientziak
Hizkuntzak	gaztelania; katalana; frantsesa
Jarduerak
Jarduerak	idazlea eta poeta
Lan nabarmenak	ikusi Queen Cocaine (en) ; La intimidad (en) ;
Jasotako sariak	ikusi Ramon Llull Saria (2011) ; Bartzelona Hiriko Saria (2002) ;
Kidetza	Foro Babel
Genero artistikoa	narrazioa; olerkigintza; saiakera; opinion journalism (en)
	nuriaamat.com

Nuria Amat Noguera (Bartzelona, Katalunia 1950) bartzelonar irakaslea eta idazlea da, katalanez eta gazteleraz jarduten duena. Saiakera, poesia, kazetaritza eta antzerkia ere lantzen ditu. Bere lana ingelesera, frantsesera, italierara, hungariarrera, errumaniera, arabiera, portugesa, alemana, txekiera eta suediera itzuli da.^[1]

Biografia

Nuria Amat Noguera Bartzelonan jaio eta bertan bizi da. Kolonbia, Mexiko, Berlin, Paris eta Estatu Batuetan ere bizi izan da. Filosofia eta Letretan lizentziatu zen, eta Informazio Zientzietako doktoretza lortu zuen De la información al saber tesiarekin Bartzelonako Unibertsitate Autonomoan.^[2]

Lan ibilbidea

Irakasle

Dokumentazioko Zientzia eta Teknologietako ikasketak zuzendu ditu eta Bartzelonako Unibertsitateko Bibliotekonomia Eskolako irakaslea izan da. Estatuko eta atzerriko prentsan parte hartu du.

Idazle

Bere lehen argitalpenetatik, hala nola Pan de boda eleberria eta El ladrón de libros, Amor breve eta Monstruos izenburuko ipuinak, bere prosaren kalitateagatik nabarmendu zen. Literaturari buruz duen ikuspegia literatura-generoen mugetatik harantzagokoa da, eta 90eko hamarkadako obra aitzindarietan nabarmentzen da, hala nola Todos somos Kafka eta Viajar, berrargitaratu direnak. Bertan fikzioa, autobiografia eta metaliteratura konbinatu zituen, uneko literatura-joerei aurrea hartuz.^[3] Pat’s Room antzezlanean, pertsonaiek elkarrizketak tartekatzen dituzte katalanez eta gaztelaniaz; lana Bartzelonako Beckett aretoan estreinatu zen 1997ko Grec Jaialdian.

Egun horretatik aurrera, La intimidad,^[4] El país del alma^[5] (Rómulo Gallegos 2001 Nazioarteko Eleberri-Sariaren finalista) eta Reina de América (Bartzelona Hiria 2002 Saria) nobelen argitalpenarekin batera, nazioarteko proiekzioari ekin zion.^[6] Itzulpengintzako profesional handiek ingelesera, frantsesera, italierara, hungariarrera, errumaniarrera, arabiera, portugesera, txekierara, alemanera eta suediera egokitu dituzte bere lanak. Reina de América bertsio ingelesa (Queen Cocaine) 2007 Nazioarteko IMPAC Sarirako izendatu zuten. Ondoren Dejar que la vida llueva sobre mí eleberria argitaratu zuen.

Saiakeren artean, Letra herida, El libro mudo, Juan Rulfo idazle mexikarraren biografia berezia eta Escribir y callar nabarmentzen dira. Bere poesia-lanak Amor infiel eta Poemas impuros dira. 2008ko azaroan Julio Cortázar (Mexiko) katedran parte hartu zuen, Carlos Fuentesek eta Gabriel García Márquezek gonbidatuta. Han, literaturaren eta irakurketaren arteari buruzko ikastaro bat eman zuen, eta Escribir y callar saiakeraren zenbait gai landu zituen saio magistral batean.

2011ko otsailean, Ramon Llull de les Lletres Catalanes 2011 saria irabazi zuen, katalanez idatzitako lehen nobelarekin: Amor i guerra. Epaimahaikide lanetan aritu ziren Leonello Brandolini, Pere Gimferrer, Gabriel Janer Manila, Gemma Lienas, Damià Pons, Carles Pujol eta Carme Rierak Nuria Amaten maisutasuna nabarmendu zuten eleberriko pertsonaien eraikuntzan. 2011ko udazkenean, Planeta argitaletxeak Amor y Guerra nobela argitaratu zuen autorearen jatorrizko testuan, eta frantsesez: Un feu d´eté, Robert Laffont argitaletxeak.

2013ko urrian, Venezuelan Alejo Zuloaga Ordena jaso zuen,hango Valentziako Liburu Azokara irekitzeko hitzaldia eman aurretik. Aurretik jaso zuten Ordena hori, besteak beste, Fernando Savater, Carlos Monsivais, Antonio Gamoneda, Julio Ortega edo Antonio Skármetak.

Independentismo katalanaren aurka egindako iritziengatik nabarmendu da Espainiako eta Argentinako komunikabideetan. Kritikak bere literatura-lana goraipatu du: "El sanatorio (ED Libros, 2017): “Nuria Amaten El Sanatorio eleberria bikaina da eta Danilo Kis-en lanari ekarpen literario ezin hobea egiten dio. Zenbait orrik Jonathan Swift-en tradizioa gogorarazten dute"– Pere Gimferrer.

“Beharbada, gaurko Kataluniako kafkiar gako batzuk pixka bat ulertzeko, Nuria Amaten nobela irakurri beharko litzateke, oso modu esanguratsuko izenburua duena” – José Antonio Zarzalejos. El Confidencial.

Juan Goytisolok, uneko egileez galdetuta, zera esan zuen, eleberrigile onena Nuria Amat zela, nahiz eta "halako paternalismo matxista " batengatik "boikoteatua da". El País.

Lanak

Narratiba

Narciso y Armonía, 1982
El ladrón de libros, 1988
Amor Breve, 1990
Monstruos, 1991
Todos somos Kafka, 1993
Viajar es muy difícil, 1995
La intimidad, 1997
El país del alma, 1999
El siglo de las mujeres, 2000
Reina de América, 2001
Deja que la vida llueva sobre mí, 2007
Amor i guerra, 2011
Amor y Guerra. 2012
El sanatorio. 2016

Poesia

Pan de boda, 1979
Amor infiel, 2004
Poemas impuros, 2008

Saiakera

La Biblioteca, 1982
La biblioteca electrónica, 1989
De la información al saber, 1990
La documentación y sus tecnologías, 1994
El libro mudo, 1994
Letra herida, 1998
Juan Rulfo, 2003

Antzerkia

Pat's Room, Bartzelonako Beckett aretoan estreinatua, 1997

Sariak eta aintzatespenak

2002 Bartzelona Saria, Reina de Amerikako lanarekin.
2007 Nazioarteko IMPAC Sarirako izendatua
2011 Ramon Llull eleberri-saria Amor i guerra lanarekin.

Erreferentziak

↑ Ver Dossier de prensa. Web Oficial Nuria Amat.. .
↑ Amat, Nuria. (1989). De la información al saber. Universitat Autònoma de Barcelona.
↑ La sombra dilatada de Kafka. .
↑ La intimidad por Julio Ortega.. .
↑ El lujo de escribir con riesgo por Angeles Mastretta.. .
↑ Voces entre la selva por César Aira.. .

Kanpo estekak

Datuak: Q3820359
Multimedia: Núria Amat / Q3820359

[1] Ver Dossier de prensa. Web Oficial Nuria Amat.. .

[2] Amat, Nuria. (1989). De la información al saber. Universitat Autònoma de Barcelona.

[3] La sombra dilatada de Kafka. .

[4] La intimidad por Julio Ortega.. .

[5] El lujo de escribir con riesgo por Angeles Mastretta.. .

[6] Voces entre la selva por César Aira.. .

[1]

[2]

[3]

[4]

[5]

[6]