Olga Cazalis
Olga Cazalis | |
---|---|
![]() | |
Bizitza | |
Jaiotza | Markina-Xemein, 1925 |
Herrialdea | ![]() |
Heriotza | Tenerife, 2018ko urtarrilaren 29a (92/93 urte) |
Hezkuntza | |
Hizkuntzak | gaztelania |
Jarduerak | |
Jarduerak | pilotaria |
Pilota | |
Izengoitia(k) | Olga |
Olga Cazalis Santiago (Markina-Xemein, Bizkaia, 1925 – Tenerife, Kanariar uharteak 2018ko urtarrilaren 29a) erraketista profesionala izan zen.[1] 7 urtez jokatu zuen Olga izenaz Tenerife eta Sevillako frontoietan.[2]
![](https://upload.wikimedia.org/wikipedia/commons/thumb/c/c9/Grupo_de_raquetistas_posando_en_un_front%C3%B3n_%284_de_5%29_-_Fondo_Mar%C3%ADn-Kutxa_Fototeka.jpg/275px-Grupo_de_raquetistas_posando_en_un_front%C3%B3n_%284_de_5%29_-_Fondo_Mar%C3%ADn-Kutxa_Fototeka.jpg)
Biografia
[aldatu | aldatu iturburu kodea]![](https://upload.wikimedia.org/wikipedia/commons/thumb/8/8f/Grupo_de_raquetistas_posando_en_un_front%C3%B3n_%283_de_5%29_-_Fondo_Mar%C3%ADn-Kutxa_Fototeka.jpg/260px-Grupo_de_raquetistas_posando_en_un_front%C3%B3n_%283_de_5%29_-_Fondo_Mar%C3%ADn-Kutxa_Fototeka.jpg)
Jatorri okzitandarreko familian jaioa, Cazalis abizeneko lehen arbasoa XIX. mendean ailegatu zen Markina-Xemeinera; Olgaz gain, familian pelotari famatu gehiago ere izan dira.
Erraketista ibilbidea
[aldatu | aldatu iturburu kodea]Eibarko Astelena frontoian bizpahiru urtez ikasten jardun ostean, erraketista profesionala izan zen.[3] Zazpi urtez 40ko hamarkadan. Sevillan eta Tenerifen jokatu zuen, eta frontoian jokatzeaz gain, emagin izateko ikasketak egin zituen, frontoiko soldatari esker. Tenerifen igaro zituen azken urtean, baina sarri etortzen zen Markina bere jaioterrira eta Plentziara. Cazalis III puntistaren alaba zen Olga.[4]
Aitzindariak
[aldatu | aldatu iturburu kodea]Emakume kirolari antzindariak izan ziren erraketistak. Arrakastaz beteriko hiru edo lau hamarkada bizi izan zituzten. 1940ko eta 1950eko hamarkadak izan ziren erraketisten urrezko aroa. Erraketisten historia, orain arte nahiko isilik egon bada ere, esanguratsua izan zen oso. Hego Euskal Herriko 47 herritako 237 erraketista profesional daude zenbatuta. Zenbaki garrantzitsua da eta gainera, 1940. hamarkadako estatistiken arabera, emakume lizentzia gehiago zeuden gizonenak baino. Garaiko emakume aurreratuak izan ziren, familia eta herria utzi eta lanera alde egin zutenak. Beren ibilbidearen berri, aitzitik, inork gutxik izan du oraintsu arte. Azken urteotan aldiz, hainbat erakusketa eta omenaldi ari dira antolatzen.
Omenaldiak
[aldatu | aldatu iturburu kodea]- 2013an Bilboko Esperanza frontoian omenaldia jaso zuen María Helena Hernández, Gloria Agirre, Lucía Areitioaurtena, Agustina Otaola eta Conchita Buztinduirekin batera.[5]
- 2013an Gernikako Museoak antolatuta omenaldia jaso zuen.[6]
- 2019an Erakusketa antolatu zuen Simon Bolibar museoak erraketisten omenez.[7]
Erreferentziak
[aldatu | aldatu iturburu kodea]- ↑ «Emakume erraketistak - Aintzinako lanbideak» ORAIN Gipuzkoa (Noiz kontsultatua: 2020-03-05).
- ↑ «Olga Cazalis Santiago Olga | Raketistak» datubasea.raketistak.eus (Noiz kontsultatua: 2020-03-05).[Betiko hautsitako esteka]
- ↑ (Gaztelaniaz) Uribarri, Ricardo. «Las ‘señoritas pelotaris’» ctxt.es | Contexto y Acción (Noiz kontsultatua: 2020-03-05).
- ↑ «Olga Cazalis raketista markinarra hil da - Lea-Artibai eta Mutrikuko Hitza» Lea-Artibai eta Mutrikuko Hitza 2018-01-30 (Noiz kontsultatua: 2020-03-05).
- ↑ (Gaztelaniaz) «La Esperanza rinde un sentido homenaje a las raquetistas» Mundo Deportivo 2013-08-20 (Noiz kontsultatua: 2020-03-05).
- ↑ (Gaztelaniaz) «El frontón Jai Alai de Gernika acoge hoy un partido homenaje a las raquetistas» El Correo 2013-10-18 (Noiz kontsultatua: 2020-03-05).
- ↑ «'Emakumeak eta Euskal Pilota' erakusketa ikusgai Simon Bolivar Museoan» KULTUR SHAREA 2019-07-24 (Noiz kontsultatua: 2020-03-05).