Ross (urtegia)

Ross (urtegia)
Datu orokorrak
Garaiera	489 m
Mota	urtegi
Luzera	37 km
Zabalera	2,5 km
Geografia
Koordenatuak	48°48′52″N 121°02′17″W
Estatu burujabe	Ameriketako Estatu Batuak
Estatua	Washington
Babestutako-eremua	Ross Lake National Recreation Area (en)
Hidrografia
Betebidea	ikusi Skagit River (en)
Hustubidea	Skagit River (en)
Arro hidrografikoa	Skagit River Basin (en)

Ross urtegia (ingelesez: Ross Lake, Ross Dam) Amerikako Estatu Batuak eta Kanada artean aurkitzen den urtegi bat da.

Geografia

Skagit ibaia Kanadatik Estatu Batuetara igarotzen da, Washington estatura, eta bidean horma bat eraiki denez ura pilatu egiten da eta aintzira artifiziala sortzen du. Aintziraren gehiengoa Estatu Batuetan dago baina iparraldeko muturra Kanadari dagokio. Aintzirak ibaiak sorturiko harana betetzen du eta ibilbide bihurgunetsuan 37 kilometroko luzera eta 2,5 km-ko zabalera.

Lau uharte daude aintziran, Cat, Tenmile, Little Jerusalem eta Cugar, laurak ere Estatu Batuetako zatian.

Presaren ondoren Skagit ibaiak jarraitzen du eta Puget Sound izeneko fiordora isurtzen ditu urak.

Presa

1937 eta 1949 artean eraiki zen Ross presa eta 160 metrotako altuera du.

Turismoa

Washington estatuko aisialdi eremuetako bat bihurtu da. Arrantza, kanoa eta kayak ibilerak eta mendizaleentzako ibilbideak dira arrakasta handiena duten jarduerak. Bereziki ezaguna da amuarrain arrantza. Presak dakarren oztopoarengatik ez da izokinik aurkitzen.

Aintziraren uren gainean Ross Lake Resorta eraiki da, ur gainean flotatzen ari diren bungalowek osatzen dute.

Iruditegia

• 
  Ross urtegiko presa.
• 
  Ross urtegiaren ibilbidea.
• 
  Arrantza turismoa.

Kanpo estekak

• Datuak: Q7885607
• Multimedia: Ross Lake, Washington / Q7885607