Tim McIlrath

Tim McIlrath
	; (2023) Irudi gehiago
Bizitza
Jaiotzako izen-deiturak	Timothy James McIlrath
Jaiotza	Indianapolis, 1978ko azaroaren 3a (45 urte)
Herrialdea	Ameriketako Estatu Batuak
Lehen hizkuntza	ingelesa
Hezkuntza
Heziketa	Northeastern Illinois University (en) ; Rolling Meadows High School (en)
Hizkuntzak	ingelesa
Jarduerak
Jarduerak	abeslaria, egile abeslaria, gitarra-jotzailea eta aktorea
Kidetza	Rise Against (mul)
Genero artistikoa	punk
Musika instrumentua	gitarra; ahotsa
Diskoetxea	Fat Wreck Chords (mul)

Tim McIlrath (Chicago 1978ko azaroaren 3a) Rise Against talde amerikarraren gitarrista eta abeslari ezaguna da. Euskal eszenan presentzia handia duen Berri Txarrak taldearekin bi aldiz kolaboratu du, laugarren diskoa den Libre ©n, "Denak Ez Du Balio" abestian eta seigarrena den, Payola diskoaren "Folklore" eta "Atchtung!!!" abestien koroak egiten.

Bere taldeko kideak bezala (Brandon Barnes bateria jolea ezik) beganismoaren eta "straight edge" bizimoduak jarraitzen ditu. Horretaz gain, animalien eskubideen aldeko aktibista sutsua da PETA erakundearekin kolaborazioak eginez.

Biografia

Lehenengo urteak

Timothy J. McIlrath 1979. urtean jaio zen Arlington Heights-en (Illinois). Txikia zenean ikastetxe katoliko batean ikasi zuen eta bertan berarekin sartzen ziren heterokromia izateagatik, hau da, ezkerreko begia urdina eta eskumakoa, aldiz, marroia. Gaztea zenean George Orwellen "1984" edo Aldous Huxleyren "Bai mundu berria" bezalako liburuak irakurtzen hasi zen bere ondorengo obretan eragina izanez. Bere lagunak snowboard-a praktikatzen zutenez, Timek dirua aurreztu zuen 400 dolar eduki arte taula bat erosteko, kirol hura inoiz praktikatu ez bazuen ere. Hala ere, snowboardeko taula erostera zihoanean gitarra denda batean sartu eta Gibson SG 1984 batez maitemindu eta 425 dolarrengatik erosi zuen.