|
31.1.2019 |
MT |
Il-Ġurnal Uffiċjali tal-Unjoni Ewropea |
C 38/4 |
DEĊIŻJONI TAL-KUMMISSJONI
tat-28 ta’ Jannar 2019
dwar il-jiem ta' btala għas-sena 2020 għall-istituzzjonijiet tal-Unjoni Ewropea
(2019/C 38/05)
IL-KUMMISSJONI EWROPEA,
wara li kkunsidrat it-Trattat dwar il-Funzjonament tal-Unjoni Ewropea,
wara li kkunsidrat ir-Regolamenti tal-Persunal għall-Uffiċjali tal-Unjoni Ewropea u l-Kundizzjonijiet tal-Impjieg ta’ Aġenti Oħra tal-Unjoni Ewropea (CEOS), stabbiliti permezz tar-Regolament tal-Kunsill (KEE, Euratom, KEFA) Nru 259/68 (1), u notevolment l-Artikolu 61 u l-Artikoli 16 u 91 tas-CEOS,
wara li kkunsidrat ir-regolamentazzjoni komuni li tistabbilixxi l-lista ta' ġranet ta' btala tal-uffiċjali tal-Komunità Ewropea u b'mod partikolari l-Artikolu 1(3),
Billi:
|
(1) |
Skont l-Artikolu 61 tar-Regolamenti tal-Persunal għall-Uffiċjali tal-Unjoni Ewropea u l-Artikoli 16 u 91 tas-CEOS, ikun tajjeb li tiġi stabbilita l-lista tal-ġranet ta' btala għas-sena 2020 mogħtija lill-uffiċjali u lill-aġenti l-oħra impjegati fi Brussell u l-Lussemburgu. |
|
(2) |
Fl-2020, Ħadd-il-Għid huwa stabbilit fil-12 ta' April. |
|
(3) |
Fl-2020, l-24 ta' Diċembru se jkun il-Ħamis. |
|
(4) |
Il-Kulleġġ tal-Kapijiet tal-Amministrazzjoni ġew ikkonsultati għall-opinjoni tagħhom dwar il-lista ta' jiem ta' btala għas-sena 2020 fis-7 ta' Novembru 2018, |
IDDEĊIDIET KIF ĠEJ:
Artikolu 1
Il-jiem ta' btala għas-sena 2020 għall-istituzzjonijiet tal-Unjoni Ewropea għandhom ikunu stabbiliti għall-Brussell u l-Lussemburgu.
|
L-1 ta’ Jannar |
L-Erbgħa, l-Ewwel tas-Sena |
|
|
2 ta’ Jannar |
Il-Ħamis, l-għada tal-Ewwel tas-Sena |
|
|
Id-9 ta’ April |
Ħamis ix-Xirka |
|
|
L-10 ta’ April |
Il-Ġimgħa l-Kbira |
|
|
It-13 ta’ April |
It-Tnejn ta’ wara l-Għid |
|
|
1 ta' Mejju |
Il-Ġimgħa, Jum il-Ħaddiem |
|
|
21 ta' Mejju |
Il-Ħamis, Lapsi |
|
|
22 ta' Mejju |
Il-Ġimgħa, l-għada ta’ Lapsi |
|
|
1 ta’ Ġunju |
It-Tnejn, Għid il-Ħamsin |
|
|
21 ta’ Lulju |
It-Tlieta, il-Festa nazzjonali tal-Belġju |
|
|
2 ta’ Novembru |
It-Tnejn, Jum l-Erwieħ |
|
|
24 ta’ Diċembru sal- 31 ta’ Diċembru |
Il-Ħamis Il-Ħamis |
sitt ijiem ta’ tmiem is-sena |
|
TOTAL |
17-il jum |
|
Artikolu 2
Għal-Lussemburgu nhar it-Tlieta 21 ta’ Lulju li minfloku jidħol il-jum tat-23 ta’ Ġunju, il-festa nazzjonali tal-Lussemburgu.
Artikolu 3
Ix-xogħol jerġa' jibda b'mod normali mit-Tnejn, 4 ta' Jannar 2021.
Artikolu 4
Mingħajr ħsara għat-totalità tal-kalendarju finali tal-jiem ta' btala għall-2021, il-Ġimgħa l-1 ta' Jannar 2021 se jitqies bħala jum ta' btala għal dik is-sena.
Magħmul fi Brussell, it-28 ta’ Jannar 2019.
Għall-Kummissjoni
Günther OETTINGER
Membru tal-Kummissjoni