Dialeutu eólicu

El eólicu era dialeutu el griegu palrau ena zona nororiental los antíguus territórius elenus i al norti la costa minorasiática i en Lesbu.

Domiñus

Enantis la llegá los hónius a la costa anatólia, los eólius se bian destendiu dendi Tessália hata pa Lesbu, Quiu, Esmirna i las Clazómenas, pal sigru IX e. C., hincandu la su palra i costumbris. La huerça destus sítius esprimentarun una contaminación con el hóniu que sedria el dialeutu griegu predominanti nel Eheu i ena costa anatólia, ecetuandu Tessália, nel continenti. Allina conselvó rasgus arcaizantis que se perdierun enas islas u en Ásia. Hunta el Ática, ena zona beócia se destendió tamién el eólicu, que queó cumu encravi lingüísticu entri palrantis hónicus i dóricus.

Desti heitu, los tres prencipalis sugrupus dialeutalis enos que se devii el eólicu son el tessáliu, el beóciu i el lésbiu, huendu los dos primerus continentalis. Foneticamenti dessistin angunas deferéncias entri el eólicu continental i el isleñu. El tessáliu es mas arcaicu i conselva sin assibilal el grupu –τたうιいおた i conselva sin volucional el grupu -νにゅーσしぐま- (tess. πάνσα, lesb. πぱいαあるふぁῖσしぐまαあるふぁ). Μみゅーorfolohicamenti, el henitivu que se queó nel continenti hue –οおみくろんιいおたοおみくろん~οおみくろんιいおた. Sintaticamenti, se conselvó la preposición ἐνにゅー + acusativu, frenti al ἐς~εいぷしろんἰς lésbiu.

Eolismus se topan en Omeru i puetas qu'escrebierun nesti dialeutu huerun Safu u Alceu.

Rasgus fonéticus

La fonética desti dialeutu se caraiteriza pol lenicismu que da lugal a numirosas assimilacionis i perda sonis, contracionis hueraparti dotras particulariais que nu se conselvan notrus dialeutus.

Redución grupus consonánticus:

— λらむだλらむだ > λらむだ: ἐπασχάλαντες. — σしぐまθしーたλらむだ > σしぐまλらむだ: ἔσしぐまλらむだοおみくろんνにゅー. — γがんまνにゅー > νにゅー: γινώσκοντες.

Assimilación grupus consonánticus líquia + σしぐま u líquia + líquia: ἐμμί < *ἐσμί (át. εいぷしろんἰμί), στέλλω < *στέλνω.
Prefihu κかっぱαあるふぁτたう- "κかっぱαあるふぁτたうαあるふぁ-" con assimilación la dental: κακχέω (át. καταχέω).
Volución el grupu induropeu *k^w + vocal palatal en πぱい: πέμπε < *penk^we (át. πέντε), πέσυρες (át. τέτταρες).
Perda aspiración enicial u silosi: ὤρろーαあるふぁ (át. ὥρろーαあるふぁ), ὔπぱいαあるふぁ (át. ὑπό), Ἐλένα (át. Ἑλένη).
Retrotación el acentu, de mó que parabras que son ossítonas u barítonas passan el su acentu a la penúrtima u antipenúrtima sílaba: ἴρος (át. ἱερός).

Rasgus morfolóhicus

Desinéncia -ηいーたνにゅー enos infitivus (át. -εいぷしろんιいおたνにゅー): ἔλらむだθしーたηいーたνにゅー (át. ἐλθεῖνにゅー), λάσην (át. λήσειν).
Desinéncia –ιいおたσしぐまιいおた nel dativu prural (át. -ις): συμφόραισι.
Desinéncia -εいぷしろんσしぐまσしぐまιいおた nel dativu prural la tercel declinación (át. -σしぐまιいおた): πάιδεσσι (át. παισί).
Prefihu αあるふぁἰμみゅーιいおた- (át. ἡμみゅーιいおた-): αあるふぁἰμίθεος (át. ἡμίθεος).
Henitivu prural temas en –αあるふぁ contratus en ᾱ (át. -ῶνにゅー): ξάνθᾱνにゅー < *ξάνθαων (át. ξくしーαあるふぁνにゅーθしーたῶνにゅー).
Acusativu prural el pronombri primel pressona ἄμみゅーμみゅーεいぷしろん (át. ἡμみゅーᾶς).
Desinéncia particípiu prefetu –ωおめがνにゅー: γεγόνων, -οντος.

Sintassi

A la escontra dotrus dialeutus, el eólicu prefieri costruil el patronímicu pol mé dun ahetivu derivau del nombri i non con el henitivu del mesmu, lo qual supón un rasgu arcaizanti: Φίλων Τιμάνδρειος i non Τιμάνδρου "Filón Timandreu" i non "el de Timandru".

Léssicu

Preposicionis, conhuncionis, alvérbius

ὔπぱいαあるふぁ (át. ὑπό): "bahu".
πότα (át. ποτέ): "una ves paí".
αあるふぁἰ (át. εいぷしろんἰ): "si".
κかっぱεいぷしろん(νにゅー) (át. ἀνにゅー): "quiziá".
πρές (át. πρός): "pa".

Nombris

πτέρυξ (át. πτερόν) "ala".
ἴρος (át. ἱερός) "sagrau".

Verbus

γίνυμαι (át. γίγνομαι) "nacel".