Dora García

Dora García
Enhormación pressonal
Nacencia	21 de abril de 1965 Valladolid (España)
Nacionalidá	Belga y española
Educación
Educau en	Nuversidá de Salamanca Academia van beeldende kunsten
Enhormación profissional
Oficiu	Artista, artista de performance, fotografu, artista ecénicu, criaol, artista visual y videoartista
Sitiu web	www.doragarcia.net
Destincionis	Prix de la fondation Princesse-Grace (2013) Premio Nacional de Artes Plásticas de España (2021)

Dora García (Valladolís, 1965) es una artista española residenti en Brusselas. La su obra artística se centra sobri tó en nuevus medius comu la performance i lo audiovisual.

Biografía

Estudió ena Nuversidá de Salamanca la carrera de Bellas Artis i el doctorau con una beca d'investigación de 1988 a 1992. Estudió tamién ena Rijksakademie d'Ámsterdam. Posteriormenti, se trasladó a Brusselas ondi residió dieciséis añus.

Correúra artística

Ena su práctica artística, gasta el espaciu espositivu pa envestigal la relación entri espectaol, espaciu i obra, munchas vezis meyanti la performance i la enteractividá con el púbricu. Á participau n'esposicionis entrinacionalis d'arti comu la Manifesta (1998), la Bienal d'Estambul (2003), Münster Sculpture Projects (2007), la Bienal de Sídney (2008) o la 13.ª documenta de Kassel (2012). Hue la representanti española ena 54ª edición dela Bienal de Venecia (2011) col proyeutu Lo Inadecuado, que convirtió el pavellón español nuna prataforma de refressión, crítica i debati a tentu dela marginalidá. En 2013 golvió a Venecia pa estalal el proyeutu The Joycean Society ena Fondation Prince Pierre de Mónacu.

En 2014 reinventó los 18 Happenings in 6 Parts d'Allan Kaprow ena Fundación Antoni Tàpies de Barcelona i en 2018 el Museu Reina Sofía le dedicó la esposición endividual: Segunda vez.

En 2018 con motivu del 40 aniversariu dela Costitución española la su performance Innstant Narrative /IN) hue descogía entri las obras procedentis del Museu Centru d'Arti Reina Sofía pa estal representá ena esposición El poder del arte. L'esposición s'á assitiau enos edificius del Congressu delos Deputaus i del Senau.

Obra

Ena su obra conceutual, García gasta la retrataúra, estalación, dibuju, videu, soníu i la web pa esprimental los lindis entri ralidá i fición.

El su trebaju se carateriza pola participación delos espetaoris, pa que tomin una postura con relación a custionis éticamenti controvertías, dessigiendu-lis que se comprometan a dessaminal con detalli estus temas i a refressional a tentu dela naturaleza estitucional del entornu nel que se lleva a cabu el su encuentru conas obras d'arti. La marginalidá es un tema central, a través dela criación de sitacionis o contestus que voltean o desinquietan al espectaol. La ralidá se presenta como múltipli i la verdá passa a sel un puntu debatibli en ca una delas sus puestas n'escena.

Obras relevantes

• Insertos en tiempo real (2000), obra ena que presenta destintas performances peru gastandu por primera ves interné comu mó d'esposición. Obras sin una duración establecía, sin sabel-si quándu prencipiaban ni quándu terminaban.
• 100 obras de arte impossibles (2001)
• The Beggar’s opera o La ópera del mendigo (2007) representación n'espacius púbricus.

• Todas las historias. La serii de trebajus de García que s'agrupan baxu esti títulu prencipian nel añu 2001. Se presenta comu un archivu de tolas estorias del mundu, ca una d'ellas cuentá en no más de cincu líneas. Esti archivu se poni ena redi a disposición del púbricu pa sel leyíu i assín atival l'estorial cona que s'enicia la serii. Costa dela web "Todas las historias" ena que los letoris tienin el rol d'espetaol peru ala su ves puein sel escrevioris i comentaristas.
• El café de los oidores de voces es un proyeutu que parti del Movimiento delos Oidoris de vocis i que bebi dela antipsiquiatría generandu espacius de convivencia i debati con i entri pressonas con malestal psíquicu. Lo á desenroau en Torontu, Valladolís, Mairil, Barcelona, París, Berlín i Londri.
• The Joycean Society, decumental.

Presencia en museos y bienales

• Los sus proyeutus, eminentementi concetualis an síu mostraus en prestigiosus museus d'arti contemporáneu tantu españolis: MUSAC de León, Centru d'Arti Reina Sofía de Mairil , CCCB i MACBA de Barcelona (2003), Museu d'Arti Contemporáneu Helga de Alvear, i el Patiu Herrerianu de Valladolís), CA2M Centru d'Arti 2 de Mayu en Móstolis (Comunidá de Mairil), comu estrangerus: Centru Georges Pompidou de París, Tate Modern de Londri, SMAK de Gante (2006), GfZK de Leipzig (2007), Kunsthalle de Berna (2010) i el Pavellón d'España dela Bienal de Venecia (2011). Tamién á participau n'albondu Bienalis, entri otras: Estambul (2003), Sídney (2008), Lyon (2009) São Paulo (2010) i en Documenta 13 (2012).

Premius i reconocencias

• Premius Arti i Mecenasgu 2018, ena categoría Artista, concedíus pola Obra Social La Caixa. L'entrega del premiu, desta otava edición, se celebró nel CaixaForum Mairil recibiendu los galardonaus una escoltura de Miquel Barceló.
• 45 PIAC, otorgau pola Fundación Préncipi Pierre de Mónacu.
• Premiu Nacional d'Artes Plásticas 2021 concedíu pol Ministeriu de Coltura i Deporti d'España.

Atijus p'ahuera

• Web de Dora García.
• Obras de Dora García en el Museo Nacional Centro de Arte Reina Sofía.
• Ficha de la artista en HAMACA
• Monográfico a la artista en Metrópolis

• Datos: Q17364327
• Multimedia: Dora García / Q17364327
• Citas célebres: Dora García