Zeta

Alfabetu griegu
Αあるふぁ αあるふぁ Alfa	Βべーた βべーた Beta
Γがんま γがんま Gama	Δでるた δでるた Delta
Εいぷしろん εいぷしろん Éssilun	Ϝ ϝ Digama
Ζぜーた ζぜーた Zeta	Ηいーた ηいーた Eta
Θしーた θしーた Teta	Ιいおた ιいおた Yota
Κかっぱ κかっぱ Capa	Λらむだ λらむだ Lambda
Μみゅー μみゅー Mi	Νにゅー νにゅー Ni
Ξくしー ξくしー Xi	Οおみくろん οおみくろん Omicron
Πぱい πぱい Pi	Ϻ ϻ San
Ϙ ϙ Copa	Ρろー ρろー Ro
Σしぐま σしぐま Sigma	Τたう τたう Tau
Υうぷしろん υうぷしろん Ípsilon	Φふぁい φふぁい Phi
Χかい χかい Hi	Ψぷさい ψぷさい Psi
Ωおめが ωおめが Omega	Ϡ ϡ Sampi
Alfabetu griegu

Sesta letra el alfabetu griegu.

El su nombri en griegu antíguu era ζぜーたῆτたうαあるふぁ [zdɛ̂ːta] i en moernu es ζήτα ['zita].

La su grafia mayúscula es Ζぜーた i la menúscula ζぜーた. El latín, ya en epoca emperial escomiençó, de que se margulló ena cultura griega, a gastal la letra Z pa trascrevil prencipalmenti nombris própius elénicus. Esta letra acabó por encluil-se nel abecedáriu latinu, acupandu la última posicion, por sel ésta la última las letras acetás polos romanus nel su repertóriu alfabéticu.

Esta letra, presenti ena huerça los dialeutus el griegu antíguu, sirvia pa represental la volucion los grupus induropeus *dj, *gj i *j + vocal a [d^z]. Assina las parabras Ζεύς < *djeus o ζぜーたῶ < *gjo-. No estanti esti son esprimentó pol analogia conos grupus internus σしぐまδでるた que los griegus escrevian tamien comu ζぜーた una metátesi a [zd].

Esti son, primeru en interiol parabra, aluspues nel escomiençu, por assimilacion total progressiva coló pal son [z] en jónicu-áticu i pa [dd] en lacóniu, beóciu i tessáliu: assina una parabra comu χατίζω se prenunciava en unus lugaris [k^hati̋zdɔː], [k^hati̋zɔː] o [k^hati̋ddɔː].

La grafia ζぜーた, en epoca elenística escomencipió a empreal-se pa anotal la sonoriá la s: ἀναβαζμούς. La volución a [z] que siguió el jónicu-áticu i, por ende, la coiné hue la que se conselva en griegu moernu: χρωματίζω [xroma'tizo]. Amás, el griegu moernu gasta el dígrafu τたうζぜーた pa la trascricion de [dz] en parabras, prencipalmenti, enpréstamus el turcu, del ingrés o del francés: τζάμι, τζάκι, τたうζぜーたηいーたνにゅー, τたうζぜーたιいおたπぱい, τたうζぜーたαあるふぁζぜーた.

Comu numeral, tien el valol de 7 (ζぜーた´) i de 7000 (,ζぜーた).

Bibliografia

• Berenguer Amenós, J., Gramática griega, Barcelona, Bosch, 2002³⁷.
• Liddell, H. G., Scott, R., A Greek-English lexicon, Oxford, Oxford University press, 1996⁹.
• Lejaune, M., Phonétique historique du Mycénne et du Grec ancien, París, Klinsieck, 1972.
• VV. AA., Νεοελληνική γραμματική, Atenas, Οργανισμός Εκδοσέως διδακτικών βιβλίων, 2005.
• VV. AA., Griego moderno para filólogos clásicos, Atenas, Ediciones Nefeli, 1999.