New Jersey
Flagg | Skjøldur |
---|---|
![]() |
![]() |
![]() | |
Land: | ![]() |
Alment mál: | Einki |
Høvuðsstaður: | Trenton |
Størsti býur: | Newark |
Innlimað: | 18. desember 1787 |
Guvernørur: | Phil Murphy (D) |
Vídd: | 22 608 km² |
Íbúgvar (2015): | 8 938 175 |
fyri km²: | 467/km² |
Tíðarzona: | UTC -5/-4 |
Heimasíða: | www.nj.gov |
Staturin New Jersey (enskt: State of New Jersey) er ein av teimum 50 statunum í Sameindu Statunum og er eitt sindur minni í stødd enn Danmark, men har búgva umleið 9 mió. fólk. Víddin á lutstatinum er nærum 22 600 km² (Danmark er 42 915 ferkilometrar til støddar). Fólkatættleikin á 467/km² er hægri enn í flestu amerikonsku statunum. Tó er tað sera ójavnt, hvar ið fólkatættleikin er størstur. Fólkatættleikin í Salem County er t.d. bara 195 fólk fyri hvønn ferkilometur. Í Hudson County, har fólkatættleikin er størstur, búgva 154 ferðir so nógv fólk á hvørjum ferkilometri sum í USA. Høvuðsstaðurin kallast Trenton og størsti býurin er Newark. Í 1787 bleiv New Jersey lutstatur í USA. Í norðri hevur New Jersey mark við New York og í vestri við Pennsylvania. Í eystri og suðri liggur Atlantshavið. Eyknevni er Urtagarðstaturin (enskt: Garden State). Teir størstu býirnir eru Newark, Jersey City, Paterson og Elizabeth. New Jersey verður eisini mett at vera tað mest urbaniseraða stakríkið í USA; 94,7 % búgva í býum og 5,3 % búgva á bygd.
Fólkið er sera fjølbroytt og nógvar ymiskar mentanir eru at finna. Í norðri eru tað í stóran mun fólk sum eru eftirkomarar av evropearum frá hjálandatíðini, fyrst og fremst frá italiumonnum, men eisini frá tilflytarum eftir hjálandatíðina. Fólkið í býum er ættað úr mongum londum - har eru afroamerikanar, latínoamerikanar og ásiatar; 52 % av fólkinum í býnum Newark eru t.d. svørt. Umleið 18 %[1] av fókinum í New Jersey er ættað úr Italia. Høvuðsmálið er enskt, men nógv fólk duga eisini væl italskt ella spanskt.[2] Meginparturin av fólkinum er katolikkar, og eini 30 % eru protestantar. Nógvir jødar búgva í New Jersey; umleið 436 000 (5,5 %) jødar búgva í New Jersey.[3]
Størstu býir
[rætta | rætta wikitekst]![](https://upload.wikimedia.org/wikipedia/commons/thumb/a/a6/New_Jersey_regions_map.png/220px-New_Jersey_regions_map.png)
Teir 10 størstu býirnir í New Jersey eftir íbúgvatali vóru í 2018 hesir:[4]
- Newark - 282 090
- Jersey City - 265 549
- Paterson - 145 627
- Elizabeth - 128 885
- Lakewood Township - 104 157
- Edison - 100 693
- Woodbridge Township - 100 450
- Toms River - 93 717
- Hamilton Township - 87 552
- Clifton - 85 273
Høvuðsstaðurin Trenton hevði í 2018 bara 83 973 íbúgvar.
Myndasavn
[rætta | rætta wikitekst]-
Hetta er Port Jersey, sum er beint við Statue of Liberty við Manhattan.
-
New Jersey State House - tinghúsið í høvuðsstaðnum Trenton
-
Bygningurin hjá guvernørinum í Trenton
-
Princeton
-
Delaware Water Gap
Sí eisini
[rætta | rætta wikitekst]Ávísingar úteftir
[rætta | rætta wikitekst]- Almenna heimasíðan: nj.gov
- New Jersey, wikivoyage (á enskum)
Coordinates: 40°3′39.6″N 74°29′56.4″W / 40.061000°N 74.499000°W
Keldur
[rætta | rætta wikitekst]- ↑ "Archive copy". http://www.niaf.org/culture/statistics/states-with-the-highest-population-of-italian-americans/. Heintað 2015-04-25.
- ↑ http://www.mla.org/map_data_results&SRVY_YEAR=2010&geo=state&state_id=34&mode=geographic
- ↑ "Archive copy". http://www.adherents.com/largecom/com_judaism.html. Heintað 2015-04-25.
- ↑ "Biggest US Cities By Population—New Jersey, biggestuscities.com