Sumba
Sumba | |
Sumbø (danskt) | |
Bygd | |
Sumba
| |
Land | ![]() |
---|---|
Sýsla | Suðuroya sýsla |
Oyggj | Suðuroy |
Kommuna | Sumbiar kommuna |
Íbúgvar | 239 (2015)[1] |
Postnummur | FO-970 |
Markatal | 64-00-00 |
Sumba er sunnasta bygd í Suðuroy og harvið eisini í Føroyum. Sumba er størsta bygdin í Sumbiar kommunu, ið eisini fevnir um Lopra, Akrar, Víkarbyrgi og Akraberg. Tó eru tað bert í Sumba, Lopra og Økrum at fólk búgva, ongin fastbúgvandi er í Víkarbyrgi og Akrabergi. Sumbiar kommuna hevur høvuðssæti í Sumba. Fólkatalið í Sumba er farið nógv aftur síðan kreppuna í 1990-árunum. Í 1985 var fólkatalið í bygdini 540. Hin 1. januar 2016 var tað 237.
Sumba er ein av gomlu bygdunum í Føroyum við fleiri býlingum. Ein er býlingurin í Hørg, ið liggur ovarliga í bygdini. Kendasta skaldið í Suðuroy, Poul F. Joensen (1898-1970), var ættaður úr Hørg, og verður eisini nevndur "Hargaskaldið".
Sagnir
[rætta | rætta wikitekst]Úr Sumba eru nógvar sagnir uppskrivaðar, og ein teirra er "Hargabrøðurnir" synir Sterku Marjun. Søgnin um Hargarbrøðurnar er um fýra brøður í Hørg, ið vóru tiltiknir fyri styrki. Einaferð ránsmenn úr Írlandi gjørdu innrás í Hvalba, var boð sent um oynna eftir hjálp. Tá kom dirvið og styrkin hjá Hargabrøðrunum væl við, so teir ikki sluppu longur suður á oynna, men vóru riknir aftur til sjós.[2]
Kendir sumbingar
[rætta | rætta wikitekst]- Sterka Marjun, kend frá sagnum
- Hargabrøðurnir, kendir frá sagnum, synir Sterku Marjuna. Livdu í 17. øld.
- Andras Guttormsson, (uml. 1490–1544), løgmaður 1531 - 1544
- Guttormur Andrasson (doyði 1572), løgmaður 1544 - 1571
- Jákup Joensen (1929–2016), vinnulívsmaður og politikari (Sambandsflokkurin)
- Poul F. Joensen (1898–1970), skald
- Arnold Nielsen (1910–1993), lærari og politikari (Sambandsflokkurin)
- Georg eystan Á, tónleikari og sangari
- Suni úr Hørg (føddur 1982), fótbóltsleikari, yvirlivdi fall á 9,70 metrar niður á betonggólv í arbeiðsvanlukku 28. mars 2014 í Havn.[3]
- Terje B. Vestergaard (føddur 1973), lærari, vinnulívsmaður og politikari (Sjálvstýri og Miðflokkurin)
- Jákup Eli Joensen, sangari og sangskrivari
Myndasavn
[rætta | rætta wikitekst]-
Sumbiar kirkja.
-
Sumba er syðsta bygd í Føroyum.
-
Sumbingar dansa føroyskan dans í Dansistovuni í Sumba.
-
Sumba er brimpláss.
-
Bátar og neyst í Sumba.
-
Útsýni av Beinisvørði, vestursíðan av Suðuroynni.
-
Broddur, 5-mannafar hjá Sunnbiar Ítróttarfelag.
-
Hús í Sumba í 1947. Gomlustova fremst og aftanfyri Laðangarður (samanbygd)
Keldur
[rætta | rætta wikitekst]- ↑ Hagstova.fo
- ↑ "snar.fo - Hargarbrøðurnir". http://snar.fo/sagnir/sumba/hargarbrodur/. Heintað 2016-04-02.
- ↑ kvf.fo - Dokumentarurin: »Viljin til lívið«
Ávisingar úteftir
[rætta | rætta wikitekst]- Sumba.fo Heimasíðan hjá Sumbiar kommunu