KwaZulu-Natal
![]() |
![](https://upload.wikimedia.org/wikipedia/commons/thumb/f/f5/KwaZulu-Natal_in_South_Africa.svg/220px-KwaZulu-Natal_in_South_Africa.svg.png)
Det KwaZulu-Natal Prowins (üüb Ingels: KwaZulu-Natal Province; üüb Zulu: Isifundazwe saKwaZulu-Natal) as ian faan dön njüügen prowinsen faan Süüdaafrika. At prowins leit uun a nuurduast faan't lun. Uun a nuurd leit Eswatini, uun a nuurduast Mosambik, uun a uast de Indisk Oosean, uun a süüd det Uastkap Prowins, uun a waast lei Lesotho an det Freistoot Prowins an uun a nuurdwaast leit det Mpumalanga Prowins. Det hee 10.267.300 lidj (2011)[1]. At hoodsteed faan’t prowins as Pietermaritzburg.
Geografii
[Bewerke | Kweltekst bewerke]KwaZulu-Natal as at guardprowins faan Süüdaafrika. At lunskap hee trii soonen: flaak eegregiuunen, hüügelig flaaklun uun't inlun an uk tau soonen faan berger: a Drakensberger uun a waast an a Lebomboberger uun a nuurd. At kliima as uun't algemianen warem an fochtig, man uun det huucherlaanjen inlun kön't en wontrem uu so drüg an rocht kul wurd. Loongs a eeg sted iar troopisk walter, man daaling wurd heer flooksis sokerröör an troopisk früchten uunplaantet.
Steeden
[Bewerke | Kweltekst bewerke]Koord faan det KwaZulu-Natal Prowins |
Dön tjiin gratst steeden uun't prowins san:
# | Steed | Lidj (2011)[2] |
---|---|---|
1 | Durban | 2.786.046 |
2 | Pietermaritzburg | 475.238 |
3 | Newcastle | 291.484 |
4 | KwaDukuza | 134.525 |
5 | Ladysmith | 119.726 |
6 | Mpumalanga | 62.406 |
7 | Tongaat | 54.109 |
8 | Kokstad | 51.540 |
9 | Richards Bay | 50.533 |
10 | Vryheid | 47.365 |
Iindialing faan Ferwalting
[Bewerke | Kweltekst bewerke]![](https://upload.wikimedia.org/wikipedia/commons/thumb/4/43/Map_of_KwaZulu-Natal_with_municipalities_named_and_districts_shaded_%282016%29.svg/220px-Map_of_KwaZulu-Natal_with_municipalities_named_and_districts_shaded_%282016%29.svg.png)
At prowins hee ian steed-munisipaliteet (eThekwini) an tjiin distrikt-munisipaliteeten:
- Amajuba
- Zululun
- uMkhanyakude
- King Cetshwayo
- uMzinyathi
- Uthukela
- uMgungundlovu
- iLembe
- Ugu
- Harry Gwala
Befölkring
[Bewerke | Kweltekst bewerke]Det letst folksteeling wiar uun't juar 2011. Efter a resultooten hee't prowins 10.267.300 lidj: 5.388.625 faan a lidj san wüfhööd an 4.878.676 san karmen[3].
Spriiken
[Bewerke | Kweltekst bewerke]![](https://upload.wikimedia.org/wikipedia/commons/thumb/1/1e/KwaZulu-Natal_2001_dominant_language_map.svg/220px-KwaZulu-Natal_2001_dominant_language_map.svg.png)
Efter't folksteeling uun't juar 2001, 80,9 % faan't befölkring uun't prowins snaaket Zulu (IsiZulu) an 13,6 % Ingels[4].
Histoore
[Bewerke | Kweltekst bewerke]At prowins wurd 1994 grünlaanjen, üüs at bantustan faan KwaZulu an dial faan't bantustan faan Transkei mä det Natal Prowins tuplaanjen wurd.
Politiik
[Bewerke | Kweltekst bewerke]![](https://upload.wikimedia.org/wikipedia/commons/thumb/9/90/South_Africa_KwaZuluNatal_Legislative_2019.svg/220px-South_Africa_KwaZuluNatal_Legislative_2019.svg.png)
Det KwaZulu-Natal Provincial Legislature as at parlament faan't prowins. Det weelet at kabinet an a premier-minister faan't prowins faan't partei of koalitschuun, wat dön miast lasmaaten uun't parlament hee. A premier-minister faan't prowins sant 2019 as Sihle Zikalala faan det African National Congress (ANC). Det ANC as sant 2004 det starkst partei uun't parlament.
Dön ual premier-ministern san: Willies Mchunu (2016-2019), Senzo Mchunu (2013-2016), Zweli Mkhize (2009-2013), S'bu Ndebele (2004-2009), Lionel Mtshali (1999-2004), Ben Ngubane (1997-1999), Frank Mdlalose (1994-1997).
Wiartskap
[Bewerke | Kweltekst bewerke]At prowins hed uun't juar 2016 en BIP faan 692.222 miljuunen Rand, wat 15,9 % faan't BIP faan Süüdaafrika as[5].
Kwelen
[Bewerke | Kweltekst bewerke]- ↑ South Africa: Provinces and Major Urban Areas, citypopulation.de
- ↑ South Africa: Provinces and Major Urban Areas, citypopulation.de
- ↑ KwaZulu-Natal: Province in South Africa, citypopulation.de
- ↑ Folksteeling faan 2001 (Resultoot üüs pdf; 624 kB) (Memento faan di 18. Mei 2012 uun't Internet Archive), s. 16.
- ↑ Stats SA, Provincial GDP Figures