Presepi
La peraule presepi e ven fûr dal latin "Praesepe" fat di "prae"= denant e "sepe"= sierai. Tal ûs comun e indiche la ricostruzion de Nativitât e de Adorazion dai Re Magos, fate intes glesiis o intes cjasis in ocasion des fiestis nataliziis.
La rapresentazione e po jessi sei vivent che iconografiche. A vegnin riprodosûts personaçs e tradizions che si pense a figurin le situazion di chel timp.
Tradizion taliane
[cambie | modifiche il codiç]
La tradizion taliane dal presepi e scomence probabilmentri ai timps di Sant Francesc di Assisi, che al realizà la prime rapresentazion vivent de nativitât tal paîs di Greccio. Dome dal XV secul si scomence a fâ rapresentazions fissis tes glesiis, metint grandis statuis tal periodi natalizi; une des tradizion dal presepi plui antiche e je chê che ven fate te Basiliche di Sant Scjefin a Bologne. Dal XVII secul si scomençà ancje a pandisi tes cjasis dal popul, graziis ancje al fat che il pape tal Concili di Trent al veve lodât cheste usance.
Di notâ che une vore des ambientazions dopradis intal presepi a derivin dai vanzei apocrifs e di tradizions aromai dismenteadis.
Ambientazions e tradizions precedentis
[cambie | modifiche il codiç]Al è pôc cognossût il fat che il presepi nol rapresente coretementri chel che a disin lis Sacris Scrituris. I vanzei canonics difat no dan tancj particolârs; il bo e il musut no son nomenâts inte conte de nassite, e il vanzeli di Mateu al cjacare di une grepie, ma nol dîs se e jere intune stale o intune grote. L'ûs di meti il bo e il mus al ven di une antighe profezie di Isaie, e secont une interpretazion il bo al rapresente i ebreus, il mus i pagans.
Jesus e la so famee no jerin plui intune "stale o grote" cuant che i cussì clamâts Re Magos - che in efiet a jerin strolics - a faserin visite a lôr. Al jere za passât un pôc di timp e a stavin intune cjase (Mateu 2:1,11). Fat interessant ancje che la Biblie no dîs trops che a jerin chescj strolics.
Intal so libri "The Trouble With Christmas" il scritôr Tom Flynn, dopo vê presentât une grande cuantitât di provis, al dîs: "une vore di tradizions che cumò o associìn al Nadâl, a fondin lis lôr lidrîs in tradizions religjosis paganis precristianis.
Di fat al esisteve za intai timps indaûr un presepi; là dai etruscs e dai latins e jere lidrisade in font la culture dai "lari". I "lari" a jerin i vons biâts che secont la tradizion a vuardeavin su la famee; I romans a figuravin ogni von cuntune statuete di cere o di crep clamade "sigillum", e la statuete e vignive metude, in particolârs ocasions, intune nicje fate a pueste che a veve denant un piçul sierai che al figurave un zardinut. A la vilie dal "Natalis" denant a chest "presepi" la famee a si unive par bramâ la protezion dai vons e a lassave scudielis cun mangjâ e vin. Le matine dopo, i canais a cjatavin zugatui e dolçs e ur vignive fat crodi che a fossin puartâts dai nonos muarts. Pôcs secui dopo lis glesiis de cristianitât a convertirin cheste fieste pagane intune fieste cristiane.
