Matthias van Geuns
![](https://upload.wikimedia.org/wikipedia/commons/thumb/f/fe/Doopsgezinde_kerk_naamlijst_leden_RM19206.jpg/220px-Doopsgezinde_kerk_naamlijst_leden_RM19206.jpg)
Matthias Janss. fan Geuns (Grins, 15 septimber 1758 - Haarlim, 21 novimber 1839) wie in Nederlânsk dopersk predikant en silhûettist.
Libben en wurk
Fan Geuns waard 1758 yn Grins berne as soan fan izerkeapman Jan Stevens fan Geuns en fan Hiltje Bartels. Fan Geuns waard fan 1779 oant 1782 oplaat ta predikant oan it Dopersk Seminarium yn Amsterdam. Nei it foltôgjen fan syn oplieding waard er 1783 predikant fan Makkum. Yn 1788 waard er predikant yn Harns en yn 1792 yn Haarlim. Mei in tal freonen brocht er dêr 150 sangen byinoar yn in sjongbondel, 74 dêrfan waarden skreaun troch Aagje Deken. Yn Haarlim bleau er predikant oant syn emeritaat yn 1828.
Fan Geuns wie yn syn frije tiid silhûettist, knipkeunstner. Tusken 1781 en 1790 makke er fjouwerhûndert portretten, dy't yn in album bewarren bleaun binne.[1] It Ryksburo foar Keunsthistoaryske Dokumintaasje jout dat syn wurksume perioade yn 1773 begûn en einige yn 1839, it jier fan syn ferstjerren.
Fan Geuns boaske 15 augustus 1790 mei Tryntsje Kornelisdr. Sytzes út Ljouwert. Sy krigen tegearre sân bern. Har soannen Kornelis Sytze en Bartel waarden lykas harren heit dopersk predikant. Fan Geuns stoar yn de âldens fan 80 jier yn syn wenplak Haarlim, dêr't nei syn emiritaat wenjen blean wie.
![](https://upload.wikimedia.org/wikipedia/commons/thumb/b/bf/Silhouetportretten_door_Matthias_van_Geuns.jpg/500px-Silhouetportretten_door_Matthias_van_Geuns.jpg)
Boarnen, noaten en/as referinsjes: |
Noat
|