Aztlan
Aztlan is it legindaryske wenplak fan de foarâlden fan de Nahua, ien fan de wichtichste kultueren yn Meso-Amearika. De namme hâldt nei alle gedachten yn "plak fan de wite fûgels", "plak fan it brânende wetter" of "plak fan de oarsprong".
Leginde
[bewurkje seksje | boarne bewurkje]Neffens Nahuatl leginde wienen der sân stammen yn Tsjikomoztok, it plak fan de sân grotten. Eltse grot fertsjintwurdige in oare Nahua stam: de Ksochimilka, Tlahuika, Akolhua, Tlakskalan, Tepaneken, Tsjalka, en Meksika. Dy stammen gongen stadichoan út de grotten wei en fêstigen har tichtby Aztlán, of Aztatlan.
Boarnen
[bewurkje seksje | boarne bewurkje]De boarnen foar Aztlan binne de Boturiny Kodeks, de Kodeks Telleriano-Remensis, en de Aubin Kodeks. Aztlan wurdt fierders ek neamd yn de Skiednis fan Tlakskala (in kodeks fan Diego Muñoz Camargo, in Tlakskalan mestys út de 17e iuw, en yn de Skiednis Tolteka-Tsjichimeka.