Blêdlok

blêdlok
taksonomy
ryk	planten (Plantae)
stamme	blêdplanten (Euphyllophyta)
klasse	bedutsensieddigen ; (Angiospermae)
skift	asperzje-eftigen (Asparagales)
famylje	narsissen (Amaryllidaceae)
skaai	sipels (Allium)
soarte
Allium ursinum
	Linnaeus, 1753

Blêdlok (Allium ursinum) is in boskplant, dy't faak yn grutte groepen op fochtige fiedselrike boaiems fan leafbosken foarkomt. Se hat it leafst koele bosken. Blêdlok is beskerme yn Nederlân en Belgje. De plant stiet dan ek op de List fan wetlik beskerme planten yn Nederlân. De plant bloeit yn de maitiid. De plant ferspriedet in sipelgeur. Katten kinne net goed oer de geur en komme dêrom net gau yn in tún dêr't Blêdlok stiet. De Blêdlok is in stinzeplant.

De blom hat wite stjerfoarmige blomkes. De stâle groeit rjocht omheech fanút in bol. De plant is mearderjierrich.

Gebrûk fan blêdlok

Farske blêden fan de Blêdlok soene weardefolle genêskrêftige stoffen hawwe dy’t mei it drûgjen ferlern gean. De blêden wurde faak brûkt yn salades, sop of kwark.

Blêdlok, blomkes
In fjild fol mei Blêdlok

Sjocht ek