Got Tjark
Got Tjark | ||
![]() | ||
![]() | ||
Got Tjark | ||
Lokaasje | ||
provinsje | ![]() | |
gemeente | ![]() | |
plak | ![]() | |
adres | Ds. Hundlungiuspaad 8 | |
koördinaten | 53° 28' 45" N 6° 9' 37" E | |
Tsjerklike gegevens | ||
tsjerkegenoatskip | PKN | |
Arsjitektuer | ||
boujier | 1866 | |
Kaart | ||
De Got Tjark (Skiermûntseagersk foar "Grutte Tsjerke") is de eardere Nederlânsk-herfoarme tsjerke op it Fryske Waadeilân Skiermûntseach. Sûnt maaie 2005 is dit tsjerkegebou yn it besit fan 'e Skiermûntseager gemeente fan 'e Protestantske Tsjerke yn Nederlân.
Skiednis
[bewurkje seksje | boarne bewurkje]De Got Tjark waard boud yn 1866, en ferfong doe in âlder tsjerkegebou op itselde stee, dat út 1762 datearre. De âlde tsjerke wie sa boufallich wurde dat er ôfbrutsen wurde moast. Foàr 1762 wiene der ek al tsjerken op Skiermûntseach, mar dy stiene op oare plakken op it eilân. De âlde parochytsjerke, út 'e fyftjinde iuw, waard yn 1715 ôfbrutsen doe't it hiele doarp ferpleatst wurde moast fanwegen ferstowing fan 'e dunen. De tsjerke dy't dêrfoar yn 'e plak boud waard, ferdwûn yn 1760 ûnder de weagen.
De (tsjintwurdige) Got Tjark is in sealtsjerke, dy't oarspronklik in houten klokketoer hie. Dy waard yn 1909 ferfongen troch in stiennen toer oan 'e westkant fan 'e tsjerke. De nije toer is, yn tsjinstelling ta de tsjerke sels, eigendom fan 'e Gemeente Skiermûntseach. De tsjerkklok (dy't net mear liedt) datearret út 1649 en is getten troch Jacob Noteman. It oargel waard omtrint 1895 boud en yn 1991 folslein restaurearre. De tsjerke sels is yn 1967 fan binnen restaurearre, en de toer waard yn 2006 opknapt.
Trivia
[bewurkje seksje | boarne bewurkje]- Op it tsjerkhôf fan 'e Got Tjark befynt him in grêfstien mei it selsportret fan 'e byldzjend keunstner Martin van Waning. Dy is deselde byldhouwer dy't ek it stânbyld de Skiere Mûnts makke oan it Willemshôf yn Skiermûntseach.
- Behalven foar tsjerketsjinsten wurdt de Got Tjark ek brûkt foar oare gearkomsten, lykas muzykútfierings yn it ramt fan it jierlikse Muzyk- en Sangfestival Skiermûntseach.
Galery
[bewurkje seksje | boarne bewurkje]-
Ynterieur mei oargel.
-
Grêfstien fan Martin van Waning.
-
Skier mei de Got Tjark, mids 20e iuw.
-
Skier mei de Got Tjark, mids 20e iuw.
Boarnen, noaten en/as referinsjes: |
|