John Maynard Keynes
![](https://upload.wikimedia.org/wikipedia/commons/thumb/0/04/Keynes_1933.jpg/220px-Keynes_1933.jpg)
John Maynard Keynes (Cambridge, 5 juny 1883 – Firle, East Susseks, 21 april 1946) wie in Britsk ekonoom.
Syn heit, John Neville Keynes, wie universitêr dosint yn ekonomy en logika. Op skoalle wûn John Maynard in beurs foar Eton dêr’t hy al gau opfoel troch syn mearsidige talinten. Hy studearre earst oan it King's College yn Cambridge wiskunde en filosofy, en pas letter begûn er oan de ekonomystúdzje. Keynes helle foar ekonomy mar in betreklik leech sifer. Hy liet him sels dúdlik út oer dat resultaat: "Ik wist kenlik mear fan ekonomy ôf as myn eksaminators".
Keynes wurke sûnt 1906 as amtner ûnder oare by it India Office. Hy fertsjintwurdige it Ingelske Ministearje fan Finansjen op de fredeskonferinsje fan Versailles nei de Earste Wrâldoarloch. Hy wie it net iens mei de hege werstelbetellingen dy't Dútslân nei de oarloch oplein waarden. Sa skreau er yn 1919 de "The Economic consequences of the Peace". Doe't er werom wie yn Cambridge waard Keynes earst lektor yn de ekonomy en letter "Fellow of King's", in funksje dy't er syn fierdere libben hâlde soe. Yn 1921 publisearre hy it boek "A Treatise on Probability" en yn 1936 "The General Theory of Employement, Interest and Money". Mei syn "General Theory" is Keynes ien fan de ferneamste ekonomen wurden en hat er nije ynsichten jûn foar de ekonomyske polityk fan de oerheid, rjochte op it bestriden fan konjunkturele wurkleazens (de anti-syklyske begruttingspolityk). Keynes hat troud west mei de Russyske balletdûnseresse Lydia Lopokova.
Bibliografy
[bewurkje seksje | boarne bewurkje]- 1919 - The Economic Consequences of the Peace
- 1921 - Treatise of Probability
- 1923 - A Tract on Monetary Reform
- 1926 - Liberalism and Labour
- 1926 - The end of laissez-faire
- 1930 - A Treatise on Money
- 1933 - An Open Letter to President Roosevelt
- 1936 - The General Theory of Employment, Interest and Money
Biografyen
[bewurkje seksje | boarne bewurkje]- (in) Robert Skidelsky, John Maynard Keynes: Hopes Betrayed 1883-1920, Papermac, 1992, ISBN 0-333-57379-X (US Edysje: ISBN 0-14-023554-X)
- (in) Robert Skidelsky, John Maynard Keynes: The Economist as Saviour 1920-1937, Papermac, 1994, ISBN 0-333-58499-6 (US Edition: ISBN 0-14-023806-9)
- (in) Robert Skidelsky, John Maynard Keynes: Fighting for Britain 1937-1946 (publisearre yn de Feriene Steaten as Fighting for Freedom), Papermac, 2001, ISBN 0-333-77971-1 (US Edition: ISBN 0-14-200167-8)
- (in) R. F. Harrod, The Life of John Maynard Keynes, Macmillan, 1951, ISBN 1-125-39598-2
Keppeling om utens
[bewurkje seksje | boarne bewurkje]- (in) John Maynard Keynes, The Economic Consequences of the Peace (1919)
- (in) John Maynard Keynes, The end of laissez-faire (1926)
- (in) John Maynard Keynes, An Open Letter to President Roosevelt (1933)
- (in) John Maynard Keynes, The General Theory of Employment, Interest and Money (1936)
- (in) Keynes's Career and Biographical Timeline
- (in) Bio, bibliography, and links
- (in) Biography of Keynes by David Gowland
- (in) The Keynesian Revolution
- (in) Richard Posner, How I Became a Keynesian, The New Republic, 23 septimber 2009
- (in) Roy Hattersley, Economic return, The Guardian, 5 septimber 2009