George Michael

B'amhránaí Sasanach é George Michael a rugadh faoin ainm Georgios Kyriacos Panayiotou ar an 25 Meitheamh 1963. Fuair sé bás ar an 25 Nollaig 2016.

George Michael

(1988)
Beathaisnéis
Breith	(en) Georgios Kyriacos Panayiotou 25 Meitheamh 1963 Finchley Thoir (an Ríocht Aontaithe)
Bás	25 Nollaig 2016 53 bliana d'aois Goring-on-Thames (an Ríocht Aontaithe)
Siocair bháis	Bás nádúrtha (Cairdimiópaite leata agus fatty liver disease (en) )
Áit adhlactha	Reilig Highgate
Faisnéis phearsanta
Ainm cleite	George Michael
Reiligiún	Ceartchreidmheach an Oirthir agus spioradálta ach neamhreiligiúnach
Scoil a d'fhreastail sé/sí	Bushey Meads School (en) Ardscoil Kingsbury
Áit chónaithe	Kingsbury Radlett Goring-on-Thames
Teanga dhúchais	Béarla
Lámhcheannas	Ciotógacht
Gníomhaíocht
Gairm	amhránaí is scríbhneoir, cumadóir amhrán, liriceoir, cumadóir, amhránaí, il-ionstraimí, léiritheoir ceirníní, ealaíontóir taifeadta
Tréimhse oibre	1981 –  2016
Ball de	Wham! Young Communist League (en)
Seánra	Popcheol, ceol damhsa, anamcheol, R&G chomhaimseartha, synth-pop (en) , func, popcheol rince, rac bog, post-disco (en) , ceol comhaimseartha do dhaoine fásta, blue-eyed soul, ceol rithim agus gormacha, popcheol rac agus snagcheol
Teangacha	Béarla
Cineál gutha	Teanóir agus tenore di grazia
Uirlis	Ceol gutha
Lipéad ceoil	Epic Sony Music Polydor Records Columbia Records Virgin Records DreamWorks Records Innervision Records
Ealaíontóirí gaolmhara	Andrew Ridgeley (en) : Wham!
Saothar
Saothar suntasach (1984) Careless Whisper (1984) Last Christmas (1984) Wake Me Up Before You Go-Go (1987) Father Figure (1987) I Want Your Sex (1987) Faith
Teaghlach
Páirtí	Anselmo Feleppa (en) (1991–1993) Kenny Goss (en) (1996–2009) Fadi Fawaz (en) (2012–2016)
Athair	Kyriacos Panayiotou  agus Lezli Angold panayiotou
Siblín	Melanie Panayiotou agus Yioda Panayiotou
Gradam a fuarthas (2023)  Rock and Roll Hall of Fame (1997)  Gradaim BRIT (1991)  Gradaim BRIT (1989)  Favorite Pop/Rock Male Artist (en) (1989)  Favorite Soul/R&B Male Artist (en) (1989)  American Music Award for Favorite Soul/R&B Album (en) , as a saothar Faith (1988)  Golden Raspberry Award for Worst Original Song (en) , as a saothar I Want Your Sex (1988)  Gradam Grammy, as a saothar Faith (1988)  Gradaim BRIT (1985)  Gradaim BRIT
Ainmnithe do (1989) Juno Award for Best Selling Single (en) , as a saothar Faith (1988) Golden Raspberry Award for Worst Original Song (en) , as a saothar I Want Your Sex
Síniú
Veu de George Michael (Béarla)
Suíomh gréasáin	georgemichael.com

Luath Saol

Saolaíodh Michael in Oirthear Finchley, Londain, Sasana. Bhí bialann ag a athair, Kyriacos Panayiotour. Ba Cipireach Ghréagach é a chuaigh ar imirce go Sasana sna 1950idí. D'athraigh sé a ainm go Jack Panos níos déanaí. Ba dhamhsóir Shasanach í a mháthair, Lesley Angold (née Harrison; 1937-1997). Chaith Michael formhór a óige in Kingsbury, Londain, sa teach a cheannaigh a thuistí go luath i ndiaidh gur rugadh é; d'fhreastail sé ar Ardscoil Kingsbury. B'iad Yioda agus Melanie a dheirfiúracha níos sine.

Agus é sna déaga, bhog an teaghlach go Radlett, Hertfordshire. Ansin, d'fhreastail Michael ar Scoil Bushey Meads i mBushey, áit a bhuail sé le Andrew Ridgley, a bheidh mar an páirtí eile i Wham! Bhí na huaillmhian céanna acu, gairm a bhaint amach mar cheoltóirí. Bhí Michael ag buscáil in iarnród faoi thalamh Londain, ag seinnt amhráin ar nós "39" le Queen. Thosaigh sé amach mar DJ, ag seinnt ins sna clubanna agus scoileanna áitiúla timpeall ar Bushey, Stanmore agus Watford. Ansin, chruthaigh sé banna ceoil "ska" dar teideal The Executive le Ridgley, deartháir Ridgley, Paul, Andrew Leaver agus David Mortimer. Níor mhair The Executive i bhfad.

Gairm Ceoil

1981-1986: Wham!

Bhunaigh Michael an dísreach Wham! le Andrew Ridgeley i 1981. Shroich an chéad albam a bhí acu, Fantastic, uimhir a haon sa Ríocht Aontaithe i 1983 agus thairg sé liosta de chnagshinglí ar nós "Young Guns", "Wham Rap!" agus "Club Tropicana". Shroich a dara halbam, Make It Big, uimhir a haon sna cairteacha sna Stáit Aontaithe. Bhí singlí ar nós "Wake Me Up Before You Go-Go" (Uimhir a haon sa RA agus sna SA), "Freedom", "Everything She Wants" agus "Careless Whisper" a shroich uimhir a haon i mbeagnach 25 tír, an RA agus na SA san áireamh, agus a bhí mar an chéad singil aonarach a bhí ag Michael, ar an albam.

Chan Michael ar an gcéad taifeadadh Band Aid de "Do They Know It's Christmas?" (a bhí ag uimhir a haon ag an Nollaig i 1984 sa Ríocht Aontaithe) agus thug sé an brabús ar fad a rinne "Last Christmas" don charthanacht. Chan sé fonnadóireacht taca ar cnagshingil David Cassidy, "The Last Kiss" i 1985, chomh maith le cnagshinglí Elton John, "Nikita" agus "Wrap Her Up". Luaigh Michael Cassidy mar mhórthionchar ar a ghairm agus rinne sé agallamh le Cassidy i gcomhair an Nuachtán Ritz.

Ghin turas Wham" chun na Síne i mí Aibreáin 1985, an chéad uair a thug ceoltóirí ón Iarthar cuairt ar an tSín, clúdach sna meán ar fud an domhain, agus bhí go leor de dhírithe ar Michael. Sular thug Wham! cuairt ar an tSín, bhí go leor saghas ceol coiscthe sa tír. Bhí baill ó rialtas na Síne sna lucht féachana agus labhair an láithreoir teilifíse Síneach, Kan Lijun, a chuir an seó i láthair, faoi léiriú stairiúil Wham!; "Ní raibh aon rud den saghas sin feicthe ag éinne cheana. Bhí ionadh ar na daoine óige agus bhí gach éinne ag cnagadh a gcosa. Dar ndóigh, ní raibh na póilíní sásta agus bhí eagla orthu go mbeidh círéibeacha ann." Thaifead an stiúrthóir scannáin, Lindsay Anderson, agus an léiritheoir, Martin Lewis, an turas ina scannán Foreign Skies: Wham! in China.

Nuair a bhí rath ar shinglí aonaracha Michael, "Careless Whisper" (1984) agus "A Different Corner" (1986), bhí ráflaí ann go mbeidh Wham! ag briseadh suas. Scair an dísreach go hoifigiúil i 1986, tar éis gur scaoileadar singil deireanach, "The Edge of Heaven" agus bailiúchán singil, The Final. Anuas ar seo, rinneadar ceolchoirm ar díoladh na ticéid ar fad i Staidiam Wembley, áit a thaispeánadh Foreign Skies don chéad uair. Tháinig deireadh le Wham! go hoifigiúil leis an gcnagshingil, "The Edge of Heaven", a shroich uimhir a haon ins an Ríocht Aontaithe i mí an Mheitheamh 1986.