Charlotte Stoker
![]() ![]() | |
Beathaisnéis | |
---|---|
Breith | 1818 Béal Átha Seanaidh ![]() |
Bás | 15 Márta 1901 82/83 bliana d'aois |
Áit adhlactha | Reilig Chnocán Iaróm St. Michan's Church (en) ![]() ![]() |
Teaghlach | |
Páiste | Thornley Stoker, An Chéad Bhairnéad, Bram Stoker ![]() |
Bean tí agus scéalaí Éireannach ab ea Charlotte Matilda Blake Stoker (née Thornley, 1818–1901).[1] Spreag sí a mhac, Bram Stoker agus údar Dracula, chun dul i mbun pinn.[2]
Beatha
[cuir in eagar | athraigh foinse]Rugadh Stoker sa bhliain 1818 i mBéal Átha Seanaidh, Contae Dhún na nGall.[1] Bhí athair Stoker Thomas Thornley ina chaptaen sa 43ú Coisithe Éadrom in Arm na Breataine. Chuaigh Thornley isteach i gConstáblacht Ríoga na hÉireann ina dhiaidh sin. Tháinig muintir Thornley ó Shasana ach bhog siad go Béal Átha Seanaidh sna 1780idí.[3] Ba í máthair Stoker Matilda Blake.[3]
Bhí beirt deartháireacha níos óige ag Stoker agus bhog an teaghlach go Sligeach nuair a bhí sí fós óg. Sa bhliain 1832, thit eipidéim chalair amach i Sligeach,[4] in aois 14 bliain do Stoker ag an am.[5]
Phós Stoker in 1844. Bhuail sí lena fear céile Abraham i gCúil Raithin, Contae Dhoire, agus é ar saoire óna phost i gCaisleán Bhaile Átha Cliath. Bhí sé timpeall 20 bliain níos sine ná í. Tháinig a shinsir go hÉirinn le Liam III Shasana. Nuair a phós siad, bhog siad go Sráid Fhearchair i mBaile Átha Cliath sular bhog siad go dtí an Corrán i gCluain Tarbh. Bhí seachtar clainne acu: Thornley, Matilda, Abraham (Bram), Tom, Richard, Margaret, agus George (a rugadh sa bhliain 1855).[6]
Chuaigh fear céile Stoker ar scor in 1865 agus é 65 bliana d’aois. Bhog sé go dtí an Fhrainc lena bhean, Matilda agus Margaret i 1872 mar go raibh an costas maireachtála níos ísle ann. D’fhág siad a gcúigear mac, a bhí ag déanamh go maith, Thornley, Richard agus George i gcúrsaí leighis, Bram i gCaisleán Bhaile Átha Cliath, agus Tom, ag staidéar fós i gColáiste na Tríonóide.[7]
Fuair fear céile Stoker bás ar 12 Deireadh Fómhair 1876 agus cuireadh in Tirana é.[8] D’fhill Stoker ar Bhaile Átha Cliath in 1885. Bhí Bram i Londain ag an am seo agus d’iarr uirthi scríobh chuige faoi na heachtraí i Sligeach i 1832.[9] Bhain Bram úsáid as seo mar fhoinse dá leabhar Dracula.[10]
Fuair Stoker bás i 1901. Bhí sí 83 bliain d'aois agus ag éirí dall.[11] Tá sí curtha i Reilig Chnocán Iaróm.[1]
Tagairtí
[cuir in eagar | athraigh foinse]- ↑ 1.0 1.1 1.2 “Charlotte Thornley Stoker” (Béarla). Sligo Walking Tours (21 Deireadh Fómhair 2022).
- ↑ McGarry, M (2019). "Bram Stroker in Ballymote" (as Bearla) (PDF). The Corran Herald: 82. Ballymote Heritage Group.
- ↑ 3.0 3.1 Belford, B (1996). "Bram Stoker: a biography of the author of Dracula." [Bram Stoker: beathaisnéis an údair Dracula] (in Bearla): 21. New York: Alfred A. Knopf. ISBN 0-679-41832-6. OCLC 1148011051. OL OL968151M. Wikidata Q114769307.
- ↑ "1832 Sligo cholera outbreak" (as en) (2022-10-22). Wikipedia.
- ↑ MCGarry, M. “1832 - Dracula and Sligo's cholera Epidemic” (Bearla). Dáta rochtana: 20 October 2022.
- ↑ "Belford (1996): 14–21
- ↑ Belford (1996): 33–34
- ↑ Tá cuimhneachán d'Abrahám scríofa ar uaigh Stoker i Reilig Chnocán Iaróm.
- ↑ Belford (1996): 202
- ↑ Stoker, C. "Bram Stoker Dracula II" (in en): Appendix II: 412–418. Penguin Books. ISBN 978-0-141-93984-6. OCLC 1348172452. OL 10416488M. Wikidata Q114771237.
- ↑ Belford (1996): 289