Turas Rothaíochta Nocht Domhanda
| ||
| Cineál | ócáid bhliantúil  | |
|---|---|---|
| Bailíocht | 2003 - | |
| Meán cumarsáide | ||
| Codanna | ||
| Suíomh gréasáin | worldnakedbikeride.org | |
Is gluaiseacht agóidíochta é an Turas Rothaíochta Nocht Domhanda[1] a bhíonn á reáchtáil gach bliain[2] i gcaitheamh mhí an Mheithimh go hiondúil, i mbreis agus 30 tír ar fud an domhain. Díríonn an fhéile idirnáisiúnta aird ar shábháilteacht bhóthair go háirithe.
Stair
[cuir in eagar | athraigh foinse]Cuireadh tús leis an fhéile in Zaragoza na Spáinne sa bhliain 2001, nuair a maraíodh seisear rothaithe i dtimpistí bóthair éagsúla. Tá an ghluaiseacht agóidíochta tar éis spréadh amach ar fud an domhain ó shin.
Sábháilteacht ar bhóithre
[cuir in eagar | athraigh foinse]Imeacht spraíúil spleodrach is ea é, ach is é an teachtaireacht dháiríre taobh thiar de, a spreag an ghluaiseacht agóidíochta dhomhanda seo. Léiríonn an corp nocht cé chomh leochaileach is atá rothaithe ar na bóithre, gan aon chosaint acu mar a bhíonn ag tiománaithe i ngluaisteáin. Is é an smaoineamh ná go dtabharfaidh tiománaithe na rothaithe nochta faoi deara lá amháin sa bhliain, agus go gcuimhneoidh siad orthu i gcaitheamh na bliana ansin.
Tá na rothaithe lomnocht go hiondúil agus a gcraiceann péinteáilte le dathanna spleodracha den uile chineál, mar aon le daoine ar scátaí rollála, scútair agus cláir scátála. Is é an éagsúlacht daoine, an t-ilchultúrachas agus féith ealaíne na rannpháirtithe, atá ag cur le hiomrá an imeachta seo ar an ardán idirnáisiúnta.
Éire
[cuir in eagar | athraigh foinse]Bhí an turas rothair nocht á reáchtáil ar bhonn bliantúil le 12 bliana anuas i gcathair Chorcaí, roimh an phaindéim Covid-19 sa bhliain 2020. Tá ainm in airde ag Turas Rothaíochta Nocht Chorcaí mar gheall ar an gcruthaíocht, an léiriú ealaíonta agus an tiomantas atá ag na daoine a bhíonn páirteach ann, chun teachtaireacht an chóimheasa a chur chun tosaigh go láidir ar bhealach spraíúil tarraingteach.
Tagairtí
[cuir in eagar | athraigh foinse]- ↑ World Naked Bike Ride
- ↑ Méabh Ní Thuathaláin (2016). "Rothaithe nochta Chorcaí… Ag ardú feasachta ar na bóithre" (ga). NÓS. Dáta rochtana: 2020-06-11.