Cómodo

Marcus Aurelius Commodus Antoninus, máis vulgarmente chamado Cómodo, nado en Lanuvio o 31 de agosto do 161 e finado en Roma o 31 de decembro do 192, foi un emperador romano que gobernou de 180 a 192.

Cómodo

Nome orixinal	(la) Lucius Aelius Aurelius Commodus (la) Marcus Aurelius Commodus Antoninus (la) Lucius Aelius Aurelius Commodus Augustus Herculeus Romanus Exsuperatorius Amazonius Invictus Felix Pius
Biografía
Nacemento	(la) Lucius Aelius Aurelius Commodus 31 de agosto de 161 Lanuvium (en)
Morte	31 de decembro de 192 (31 anos) Roma
Causa da morte	homicidio, estrangulamento
Lugar de sepultura	Castelo de Sant'Angelo
Emperador romano
177 – 31 de decembro de 192 ← Marco Aurelio – Pertinax →
Senador romano
Cónsul romano
Datos persoais
País de nacionalidade	Roma Antiga
Relixión	Relixión na Roma antiga
Actividade
Lugar de traballo	Roma Antiga
Ocupación	gobernante
Período de tempo	Alto Imperio Romano, Greco-Roman Egypt (en) , Roman Egypt Era (en) , Cinco bos emperadores e principado romano (pt)
Lingua	Lingua latina
Outro
Título	Augusto (título)
Familia	Dinastia nerva-antonina (pt)
Cónxuxe	Brútia Crispina (178–)
Parella	Marcia (en)
Pais	Marco Aurelio   e Faustina (pt)
Irmáns	Marco Ânio Vero César (pt) , Annia Aurelia Galeria Faustina (en) , Víbia Aurélia Sabina (pt) , Fadila (pt) , Lucila (pt) , Ânia Cornifícia Faustina Menor (pt) , Titus Aurelius Fulvus Antoninus (en) e Domitia Faustina (en)

Traxectoria

Era fillo de Marco Aurelio e de Faustina a Nova e foi o primeiro emperador, nunha serie de cinco, en ascender ao poder por lazos de sangue e non por adopción. A Cómodo sorprendeuno a morte do seu pai mentres completaba a submisión dos cuados. Firmou apresuradamente a paz cos cuados, marcomanos e buros e volveu a Roma. Este emperador era a antítese de Marco Aurelio. Cruel, caprichoso, corrupto e apaixonado dos combates dos gladiadores, nos que el mesmo participaba, ergueu as iras do Senado, alleouse do apoio do exército e non tardaron en se urdir conspiracións para o apartar do poder.

A estabilidade que oferecía o mecanismo sucesorio, e que tan bos resultados dera nos anos anteriores, entrou en crise. Estalaron motíns nas provincias e na mesma Roma, neste último caso pola carestía das subsistencias, e que se atribuíron aos manexos especulativos de Cleandro, favorito do emperador.

O sistema estaba canso, o que se traducía nunha progresiva ineficacia, e non sería xusto dicir que toda a responsabilidade era de Cómodo, pero non é menos certo que a súa desastrosa actuación agravou unhas condicións que terían necesitado dun gobernante enérxico, capaz e honrado para lle poñer freo.

Os derradeiros anos de Cómodo foron un auténtico delirio de extravagancias e crueldades da mais impúdica exhibición, dunha megalomanía que parecía non ter límites. O emperador presentouse como un deus e obrigou a adoptar o adxectivo de "comodiano" para designar todas as institucións. Incluso parece que pretendeu trocar o nome de Roma. Tramáronse numerosas conspiracións contra el mesmo, que eliminou con numerosas execucións nas que foron vítimas familiares e colaboradores. Nunha delas, tramada pola súa concubina Marcia, foi asasinado por un gladiador.

Tras o seu asasinato, o Senado votou a damniato memoriae, isto é, a condena da súa lembranza, polo que o seu nome foi borrado e omitido, e todos os seus decretos e disposicións, anulados.

Cultura popular

As películas A caída do Imperio Romano (1964) e Gladiator (2000) están baseadas parcialmente na vida de Cómodo, mais débese ter cautela na rigorosidade histórica das mesmas.

Véxase tamén

Bibliografía

• Campbell, Brian (2007). "The Severan Dinasty". En Bowman, Alan K.; Garnsey, Peter; Cameron, Averil. The Cambridge Ancient History (Vol. XII: The Crisis of Empire, a.d. 193–337) (PDF) (en inglés) (2ª ed.). Cambridge / Nova York: Cambridge University Press. pp. 1–27. ISBN 978-0-521-30199-2. 

Imperio Romano
Segue a: Marco Aurelio	Cómodo (180-192)	Precede a: Pertinax
	Dinastía dos Antoninos