Fife, Escocia

Para outras páxinas con títulos homónimos véxase: Fife.

Fife (en gaélico escocés: Fìobha) é un concello de Escocia (Reino Unido).

Fife, Escocia

Localización
56°15′N 3°12′O
Estado	Reino Unido
País	Escocia
Capital	Glenrothes (pt)
Poboación
Poboación	373.550 (2019) (281,92 hab./km²)
Xeografía
Parte de	North East Scotland (en)
Superficie	1.325,025 km²
ISO 3166-2	GB-FIF
Outro
Irmandado con	Albufeira
Páxina web	fife.gov.uk

Xeografía

Está situado entre o fiorde de Tay e o de Forth, e limita cos concellos de Perth and Kinross e Clackmannanshire.

É o terceiro concello unitario de Escocia máis poboado, concentrándose a terceira parte da poboación en tres cidades, Kirkcaldy, Dunfermline e Glenrothes, sendo esta última a capital administrativa.

Historia

Historicamente foi un dos reinos pictos da zona central de Escocia, coñecido como Fib. Por esta razón Fife é coñecido comunmente como "Reino de Fife".

Até 1975 foi un dos condados históricos en que estaba dividida Escocia, nalgunhas ocasións chamado Fifeshire.

Desde 1975 até 1996 formou unha das rexiónes de Escocia, que estaba dividida en tres distritos: Dunfermline, Kirkcaldy e North-East Fife.

En 1996 foi creado o concello de Fife mantendo as mesmas fronteiras.

Cultura

O lugar máis coñecido de Fife é St Andrews, enclave histórico de importancia cun castelo e unha catedral medievais, hoxe en ruínas, un histórico campo de golf (o Old Course of St Andrews) e unha das Universidades máis importantes do Reino Unido.

O circuíto de Knockhill tamén se encontra na rexión de Fife.