Río Lagares

Para outras páxinas con títulos homónimos véxase: Lagares.

O río Lagares, ou río Gandariña, tamén chamado antigamente río Sárdoma, é o principal curso fluvial do concello de Vigo, na provincia de Pontevedra.

Río Lagares

Tipo	río curso de auga
Inicio
División administrativa	Provincia de Pontevedra, España
Localización	A Retorta
Final
División administrativa	Provincia de Pontevedra, España
Localización	ría de Vigo
42°12′16″N 8°46′49″O
Afluentes	rego Eifonso
Características
Dimensións	18 () km

Descrición

Nace na Lagoa Mol, entre o lugar da Retorta na parroquia de Cabral (Vigo) e a parroquia de Vilar de Infesta (Redondela).

Esténdese por todo o sur do termo municipal de Vigo, de leste a suroeste, a través das parroquias de Candeán, Lavadores, Sárdoma, Castrelos, Matamá e Santo André de Comesaña, até a súa desembocadura na ría de Vigo, a nivel do extremo sur da praia de Samil.

Os seus derradeiros sete quilómetros están percorridos por un parque-paseo de corenta mil metros cadrados que se prolonga dende a zona industrial da avenida de Madrid até as marismas da Carrasqueira, entre as parroquias de Coruxo e Navia.

Afluentes pola esquerda son o Eifonso, á altura de Sárdoma, e o Barxa (ou Barxas), á altura de Castrelos.

Patrimonio

A ponte medieval de Sárdoma é unha das pontes vellas que cruza o río. Despois este atravesa o Parque de Castrelos, onde se atopa o Pazo de Castrelos. Pasando o parque, o leito do río foi desviado nos anos 1970 pola urbanización da cidade e deixou de pasar baixo a ponte medieval de Castrelos. O curso do río segue por baixo do Estadio de Balaídos, sede do Real Club Celta de Vigo, para rematar acompañado dun paseo fluvial antes da foz na praia de Samil onde forma un grande esteiro.

Galería de imaxes

• 
• 

Véxase tamén

Bibliografía

• Gran Enciclopedia Galega Silverio Cañada, Lagares.
• Enciclopedia Galega Universal Ir Indo, Lagares ou Gandariña.

Ligazóns externas

• Asociación Viguesa pola defensa do río Lagares: Lagares Vivo