Jason Remeseiro
| Jason | |||
|---|---|---|---|
.jpg) Jason co Getafe CF en 2019 | |||
| Información persoal | |||
| Nome | David Remeseiro Salgueiro | ||
| Nacemento | 6 de xullo de 1994 | ||
| Lugar de nacemento | A Coruña | ||
| Altura | 1,78 m. | ||
| Posición | Centrocampista | ||
| Información de club | |||
| Club actual | Arouca | ||
| Número | 10 | ||
| Carreira xuvenil | |||
| Imperátor | |||
| 2007–2009 | Deportivo da Coruña | ||
| 2009–2011 | Montañeros | ||
| 2011–2012 | Racing de Ferrol | ||
| 2012–2013 | Levante | ||
| Carreira sénior | |||
| Anos | Equipos | Aprs | (Gls) |
| 2012–2014 | Levante B | 42 | (4) |
| 2013–2019 | Levante | 97 | (13) |
| 2014–2015 | → Villarreal B (cedido) | 22 | (5) |
| 2015–2016 | → Albacete (cedido) | 20 | (2) |
| 2019–2022 | Valencia | 22 | (0) |
| 2019–2020 | → Getafe (cedido) | 20 | (1) |
| 2022–2023 | Alavés | 48 | (2) |
| 2023– | Arouca | 9 | (0) |
| Na rede | |||
  | |||
|
Partidos e goles só en liga doméstica. Club: actualizado a 5 de novembro de 2023. [ editar datos en Wikidata ] | |||
David Remeseiro Salgueiro, coñecido como Jason Remeseiro ou simplemente Jason, nado na Coruña o 6 de xullo de 1994, é un futbolista galego que xoga de centrocampista no Arouca, da Primeira Liga.
É curmán do tamén futbolista Marcos Remeseiro.[1]
Traxectoria
[editar | editar a fonte]Inicios
[editar | editar a fonte]Naceu no barrio coruñés dos Mallos e comezou a xogar ao fútbol no Imperátor. De aí pasou á canteira do Deportivo da Coruña, onde para diferencialo doutros dous compañeiros chamados David, o adestrador alcumouno Jenson, facendo referencia ao piloto Jenson Button é a súa velocidade. O alcume derivou logo en Jason, como pasou a ser coñecido.[2]
Tras dous anos nas filas deportivistas, o adestrador Miguel Gamallo descartouno pola súa baixa estatura.[1] A pesar deste golpe e animado por seu pai, probou sorte no Montañeros, pasando logo aos xuvenís do Racing de Ferrol, que o levaban tempo seguindo grazas ás referencias do seu curmán Marcos Remeseiro, que xogaba no equipo xuvenil ferrolán.[3] Un ano despois incorporouse á canteira do Levante.
Levante UD
[editar | editar a fonte]Na súa única tempada nos xuvenís do Levante foi un dos futbolistas máis destacados do equipo, marcando 15 goles en 34 partidos.[4] Disputou tamén tres partidos co filial, o Atlético Levante, en Segunda División B, e ao final da tempada asinou un novo contrato de dous anos para xogar no filial.[5]
O 25 de agosto de 2013 debutou na Primeira División, entrando case ao final do partido da segunda xornada contra o Sevilla FC no Sánchez Pizjuán.[6] Co filial disputou 25 partidos esa tempada, na que o club descendeu a Terceira.
En agosto de 2014 saíu cedido ao Villarreal B, pero o Levante recuperouno xa en xaneiro para reforzar o equipo de Lucas Alcaraz.[7] Marchou cedido de novo ao ano seguinte, esta vez ao Albacete. Marcou o seu primeiro gol como profesional o 3 de xaneiro de 2016, nun empate 2-2 contra a SD Ponferradina no Estadio Carlos Belmonte.[8] O equipo acabou descendendo ao final da tempada á Segunda División B.[9]
Na tempada 2016/17 gañou un posto no primeiro equipo do Levante, descendido á Segunda División na tempada anterior. Marcou 10 goles e contribuíu de xeito importante a que o equipo se proclamase campión de Segunda e regresase á máxima categoría só un ano despois.
Militou dúas tempadas máis no Levante, acadando os 105 partidos disputados, con 13 goles anotados.
Valencia
[editar | editar a fonte]En xullo de 2019 asinou un contrato de tres anos co Valencia CF.[10] Con todos, pouco despois foi cedido ao Getafe CF, tamén da Primeira División.[11] Participou en algo máis da metade dos partidos do equipo madrileño, que rematou a tempada na oitava posición,[12] e anotou un gol, precisamente fronte ao Valencia en Mestalla.[13]
Na tempada 2020/21 volveu ao Valencia, debutando co equipo "che" en Balaídos contra o Celta de Vigo.[14] Xogou un total de 17 encontros de liga esa tempada co equipo de Javier Gracia, pero só 4 deles como titular. O seu protagonismo no equipo reduciuse na seguinte campaña, con Bordalás no banco,[15] e en xaneiro foi traspasado ao Alavés de José Luis Mendilibar.[16]
Alavés
[editar | editar a fonte]Disputou 14 partidos no que restaba da tempada 2021/22, que rematou co descenso do Alavés á Segunda División. Na seguinte campaña, con Luis García no banco, xogou un total de 38 encontros, 23 deles como titular, e marcou dous goles, contribuíndo ao regreso do conxunto vitoriano á máxima categoría.[17] O primeiro dos seus dous goles coa camiseta do Alavés chegou cun espectacular saque de falta que lle deu ao o equipo vasco a vitoria ante o Zaragoza (1-0) e que foi descrito polo capitán rival, Alberto Zapater, como un dos mellores que vira na súa carreira.[18]
Arouca
[editar | editar a fonte]En xullo de 2023 desvencellouse do Alavés e trasladouse a Portugal, onde asinou co Arouca, da Primeira Liga.[17]
Notas
[editar | editar a fonte]- ↑ 1,0 1,1 ""No puedo achacarle nada al Dépor porque una persona no confiase en mí"". La Opinión A Coruña (en castelán). 10 de febreiro de 2017. Consultado o 18 de marzo de 2021.
- ↑ "El curioso caso de Jason, 'bautizado' por la Fórmula 1". El Mundo (en castelán). 3 de xaneiro de 2020. Consultado o 18 de marzo de 2021.
- ↑ Bruquetas, Antón (23 de maio de 2013). "Exiliarse para seguir creciendo". La Voz de Galicia (en castelán). Consultado o 18 de marzo de 2021.
- ↑ "Jason jugará cedido durante la presente temporada en el Villarreal CF B" (en castelán). 14 de agosto de 2014. Consultado o 18 de marzo de 2021.
- ↑ "Jason renueva por dos temporadas y el nuevo proyecto del Levante Juvenil". 1 de xullo de 2013. Consultado o 18 de marzo de 2021.
- ↑ "Jason vuelve al Camp Nou". Marca (en castelán). 17 de xaneiro de 2019. Consultado o 18 de marzo de 2021.
- ↑ "Jason regresa al Levante UD tras jugar cedido en el Villarreal CF B" (en castelán). 26 de xaneiro de 2015. Consultado o 18 de marzo de 2021.
- ↑ "La Ponferradina remonta por dos veces ante el Albacete". Marca (en castelán). 3 de xaneiro de 2016. Consultado o 18 de marzo de 2021.
- ↑ "Jason jugará cedido en el Albacete Balompié" (en castelán). 31 de agosto de 2015. Consultado o 18 de marzo de 2021.
- ↑ "Comunicado oficial" (en castelán). 1 de xullo de 2019. Consultado o 18 de marzo de 2021.
- ↑ "Jason se marcha cedido al Getafe" (en castelán). 2 de setembro de 2019. Consultado o 18 de marzo de 2021.
- ↑ "Valencia vs. Getafe: un paso en el tiempo" (en castelán). 29 de outubro de 2020. Consultado o 18 de marzo de 2021.
- ↑ "La 'venganza' de Jason" (en castelán). 26 de setembro de 2019. Consultado o 18 de marzo de 2021.
- ↑ "Aspas es el martillo pilón del Celta". Marca (en castelán). 19 de setembro de 2020. Consultado o 18 de marzo de 2021.
- ↑ Monsalve, Mario (2 de xaneiro de 2022). "Valencia y Alavés cierran el traspaso que se cayó en verano por Jason" (en castelán). Consultado o 3 de xaneiro de 2022.
- ↑ "El Deportivo Alavés cierra el fichaje de Jason" (en castelán). 3 de xaneiro de 2022. Consultado o 3 de xaneiro de 2022.
- ↑ 17,0 17,1 García, Iker (4 de xullo de 2023). "Jason Remeseiro deja el Deportivo Alavés y ficha por un equipo portugués". Noticias de Álava (en castelán). Consultado o 5 de novembro de 2023.
- ↑ "El impresionante derechazo de Jason o ¿la mejor falta de la temporada?". Marca (en castelán). 4 de novembro de 2022. Consultado o 5 de novembro de 2023.
