Talayuela

Talayuela

Localización
39°59′10″N 5°36′35″O
Estado	España
Comunidade autónoma	Estremadura
Provincia	Provincia de Cáceres
Capital	Talayuela (en)
Poboación
Poboación	7.273 (2023) (31,76 hab./km²)
Xeografía
Parte de	Q107553757 Q107553769
Superficie	229 km²
Altitude	287 m
Comparte fronteira con	Oropesa (pt) Jarandilla de la Vera (pt) Cuacos de Yuste Losar de la Vera (pt) Valverde de la Vera (pt) Villanueva de la Vera (pt) Collado (pt) Rosalejo (pt) La Calzada de Oropesa Casatejada (pt) Peraleda de la Mata (pt) Navalmoral de la Mata Pueblonuevo de Miramontes
Santo padrón	Marcos o Evanxelista
Organización política
• Alcalde	Ismael Bravo Díaz (en)
Identificador descritivo
Código postal	10310
Fuso horario	UTC+01:00
Código INE	10180
Páxina web	talayuela.es

Talayuela é un concello estremeño, situado no nordés da provincia de Cáceres. O seu xentilicio (en lingua castelá) é talayuelanos.

O nome de Talayuela procede de Atalayuela, diminutivo da palabra castelá de orixe árabe atalaia, que significa "torre de vixilancia". Para rememorar o nome antigo da vila decidiuse hai uns anos chamar Atalaya ao equipo de fútbol local.

Núcleos de poboación

Nome oficial	Pob. (2007)
La Barquilla	463
Barquilla de Pinares	367
El Centenillo	46
Palancoso	116
Pueblonuevo de Miramontes	867
Santa María de las Lomas	668
Talayuela	6.073
Tiétar	982
TOTAL	9.582

Xeografía

Talayuela está situada no nordés da comunidade autónoma de Estremadura, no val do río Tiétar, afluente importante do río Tajo, e pertence á comarca do Campo Arañuelo, ao pé da comarca de La Vera.

A orografía da zona é practicamente chaira, propia dun val, estando a súa altitude nuns 364 metros por encima do nivel do mar. Talayuela posúe un grande e fértil piñeiral, ademais de numerosas aciñeiras convertidas en devesas de aproveitamento polo ser humano.

Tamén posúe numerosas charcas de importancia, as cales son refuxio e avituallamento elemental para numerosas especies da zona e para aves migratorias, que atopan nestas terras un refuxio ideal e ben provisto de alimentos.

Demografía

A poboación é de 9.582 habitantes (INE 2007), incluíndo aqueles que residen nas súas leiras e terreos próximos. Destes 10 432 habitantes, máis de 2.000 pertencen a distintas pedanías do concello que están en proceso de independencia administrativa. Esta cifra foi aumentando considerablemente nos últimos anos debido á chegada de novos poboadores en busca de traballo, de tal xeito que en Talayuela xa residen habitantes de 22 nacionalidades, os cales superan o 33 % da poboación actual.

Economía

Caracterízase pola súa dependencia do cultivo do tabaco, aínda que nos últimos anos este sufriu un importante declive, ao desaparecer as axudas (primas) da Comunidade Económica Europea. En Talayuela hai outros cultivos de importancia, entre os que destaca en primeiro lugar o cultivo do espárrago, do cal se benefician numerosas familias, xa que existen na zona dúas conserveiras de importancia. Tamén se cultivan o pemento, o tomate e o millo, aínda que en menor medida e con menor importancia.

Coa decadencia do cultivo do tabaco, estanse buscando outras alternativas, como o cultivo do azafrán, o algodón ou o café. De feito, estes dous últimos cultivos dábanse na zona antes da chegada do tabaco.

As familias de Talayuela, moitas delas inmigrantes, viven en torno ao cultivo dos seus campos, baseándose toda a súa economía no cultivo do tabaco e o espárrago, e posto que ambos os cultivos teñen campañas de recolección diferentes, un mesmo traballador poden aproveitar ambas, co que son poucos os meses nos que un traballador está sen ocupación, aínda que moitos inmigrantes combinan estas campañas coa recolección da uva ou a laranxa noutras comunidades.

É tal a importancia do cultivo do tabaco en Talayuela que, dado que a súa campaña de recolección ten lugar en época estival, axudou a moitos mozos a custearse os seus estudos, traballando en época de vacacións e cursando os seus estudos no inverno.

Historia

Talayuela xurdiu no século XVI a partir de Plasencia e construíuse neste mesmo século a igrexa de San Martiño, que desde un punto de vista arquitectónico é o monumento máis notable.

Está situada na comarca do Campo Arañuelo, nome que segundo os historiadores provén de campo rañuelo, da palabra empregada antigamente na zona para designar as afloracións de pedras de granito, rañas.

Os comezos dos primeiros poboadores foron difíciles, debido á enfermidade do paludismo, moi estendida pola zona.

Festas

As festas máis importantes deste municipio son a fin de semana máis próxima ao 25 de abril, festividade de San Marcos e o 15 de agosto, festividade da Virxe da Asunción.

Lecer

A Federación Estremeña de Golf abriu as portas dun dos campos de golf con máis proxección da comunidade de Estremadura o 28 de maio de 2005. Construído segundo o deseño de Severiano Ballesteros, respectando ao máximo a contorna natural, este campo, cun percorrido de 18 buratos (posiblemente, nun futuro, de 36), converteuse nun dos centros de lecer máis importantes das comarcas do Campo Arañuelo e La Vera. Debido ao coidado que se tivo en conservar a natureza e a contorna de denso arboredo na súa construción, máis as posibilidades que pode ofrecer o devandito campo, Talayuela converterase na sede da futura escola de golf de Estremadura.

O campo de golf proximamente estará dotado dun hotel de 4 estrelas, que mellorará aínda máis as posibilidades turísticas do municipio.

Véxase tamén

Ligazóns externas

• Información do municipio no Portal da Mancomunidade Campo Arañuelo.