Armand Guillaumin

Armand Guillaumin
	;
Biografía
Nacemento	16 de febreiro de 1841 ; París, Francia
Morte	26 de xuño de 1927 (86 anos); Orly, Francia
Actividade
Ocupación	pintor, ilustrador, debuxante, litógrafo, artista
Xénero artístico	Retrato
Movemento	Impresionismo
Alumnos	Eugène Alluaud (pt)
Representante	Artists Rights Society
Obra
	Obras destacables Q17490662 ; (1870) Crozant School (en) ; (1873) Soleil couchant à Ivry (en) ;
Familia
Fillos	Armand Guillaumin II
	Sinatura
Descrito pola fonte	School for Scoundrels (en) ; Grande Enciclopedia Soviética (1926—1947)

Jean-Baptiste Armand Guillaumin, nado en París o 16 de febreiro de 1841 e finado en Orly o 26 de xuño de 1927, foi un pintor impresionista e litógrafo francés. Mentres outros mestres do seu círculo (como Renoir e Cézanne) abandonaron axiña o impresionismo puro conformando estilos de seu, Guillaumin mantívose fiel aos trazos máis recoñecibles de dita corrente, sendo considerado un dos impresionista máis fieis xunto a Morisot, Pissarro e Monet.^[1]

Traxectoria

Na súa xuventude traballou na tenda de lencería do seu tío mentres pola serán ía a clases de pintura. Tamén traballou para a rede nacional francesa de ferrocarrís antes de comezares os seus estudos de pintura na Académie Suisse en 1861. Alí coñeceu a Paul Cézanne e Camille Pissarro cos cales iniciou unha grande amizade que duraría toda a súa vida. Malia non ter nunca a fama e recoñecemento destes pintores, el influenciounos moito nos seus traballos. Cézanne tentou facer o seu primeiro gravado baseándose nas pinturas de Guillaumin de gamelas sobre o río Sena.

Guillaumin exhibiu os seus traballos no Salon des Refusés en 1863.

A finais da década de 1880 trabou amizade con Vincent van Gogh cuxo irmán, Theo vendeu algunhas das súas obras.^[2] En 1886 casou coa súa curmá Marie-Joséphine Charreton, mestra de escola quen axudaríao economicamente.^[2] En 1891 gañou a lotería, o que lle permitiu concentrarse na pintura e viaxar a Agay, Crozant e Saint-Palais-sur-Mer, ademais dunha viaxe aos Países Baixos entre 1903 e 1904.^[2]

Coñecido polas súas intensas cores, na actualidade os cadros de Guillaumin atópanse espallados por tódolos museos principais do mundo. As súas señas de identidades son as súas paisaxes de París, do departamento de Creuse, e da área de Les Adrets-de-l'Estérel preto da costa mediterránea na rexión da Provence-Alpes-Côte d'Azur.

Guillaumin faleceu aos 86 anos en Orly, Val-de-Marne (ao sur de París), sendo o derradeiro membro do movemento impresionista en morrer.^[2]