Atol de Midway
Coordenadas: 28°12′27″N 177°21′00″O / 28.2075, -177.35
Midway | |
---|---|
Datos | |
País | Estados Unidos |
Illa principal | Sand Island |
Linguas | |
Poboación (2009) | 40 hab. |
Superficie | 6,2 km² |
Superficie lagoa | 60 km² |
Nº de illas | 3 |
Coordenadas | 28°12′N 177°21′O / 28.200, -177.350 |
Maior Altura | |
Localización | |
![]() |
![](https://upload.wikimedia.org/wikipedia/commons/thumb/1/11/Midway_Atoll_map.svg/300px-Midway_Atoll_map.svg.png)
O Atol de Midway (tamén coñecidas como Illas Midway) son un atol de 6,2 km² localizado no Pacífico Norte, cerca do extremo noroccidental do arquipélago de Hawai.
A súa latitude é 28º13' N e a súa lonxitude 177º22' W, atopándose as illas a aproximadamente a terceira parte da distancia que separa Honolulu de Toquio.
O atol consiste nunha barreira de coral en forma de anel, e numerosos illotes de area. As dúas illas máis importantes en canto a tamaño, Sand Island e Eastern Island, son o hábitat de miles de aves mariñas.
As Illas Midway non teñen habitantes aborixes, e son un territorio non incorporado dos Estados Unidos, sendo o seu status o de área insular a cargo do Departamento do Interior. A economía susténtase con fondos gobernamentais na súa totalidade, e tanto alimentos como bens de manufactura deben ser importados.
A área de Midway é recoñecida especialmente pola Batalla de Midway, que se levou a cabo durante a segunda guerra mundial. A Mariña dos Estados Unidos repeleu un ataque xaponés, marcando esta vitoria un importante cambio no escenario da guerra no Pacífico.
Xeografía
[editar | editar a fonte]![](https://upload.wikimedia.org/wikipedia/commons/thumb/6/6b/Orthographic_projection_centred_over_midway.png/250px-Orthographic_projection_centred_over_midway.png)
O atol de Midway forma parte dunha serie de illas volcánicas e atois que se estende desde Hawai ata o extremo das Illas Aleutianas. Midway formouse fai aproximadamente 28 millóns de anos, cando o leito submarino sobre o cal aséntase atopábase á mesma altura que o basamento volcánico de Hawai. De feito, Midway foi algunha vez un escudo volcánico aparentemente tan extenso como a illa de Lana'i. Ao longo de millóns de anos, a illa experimentou un proceso que se coñece como axuste isostático. A barreira de coral que se formou ao redor da illa volcánica puido manterse no nivel do mar mediante un crecemento cara a arriba, a medida que todo o basamento cedía. Na actualidade, a barreira ten preto de 400 metros de espesor, e o atol ten augas pouco profundas ao longo duns 10 quilómetros.
As illas do Atol de Midway foron moi afectadas como consecuencia do establecemento do home. Xa a partir de 1869, cando se presentou un proxecto para destruír parte dos corais e construír un porto en Sand Island, a ecoloxía do lugar sufriu alteracións. Aves nativas doutras illas, tales como Laysan Rail e Laysan Finch foron liberadas no lugar. Árbores orixinarias de Australia plantáronse a modo de cortaventos. Cerca do 75% das especies de plantas que se atopan en Midway son exóticas.
O atol ten 32 quilómetros de rutas, 7,8 quilómetros de canos, un porto (situado en Sand Island, e pechado ao uso público) e dúas pistas de aterraxe (ambas pavimentadas, cunha extensión próxima aos 2.000 metros). O U.S. Fish and Wildlife Service (Servizo para a Vida Silvestre e Ictícola) tiña previsto cancelar todas as operacións aeroportuarias a partir do 22 de novembro de 2004, co cal deixaríase de permitir todo tipo de visitas públicas.
Illa | hectáreas | ||||||||
---|---|---|---|---|---|---|---|---|---|
Sand Island | 486 | ||||||||
Eastern Island | 135 | ||||||||
Spit Island | 2 | ||||||||
Sand Islet | |||||||||
Atol Midway | 623 | ||||||||
Lagoa | 6.000 |
Historia
[editar | editar a fonte]O atol foi descuberto o 5 de xullo de 1859 polo capitán N.C. Middlebrooks, a bordo do baleeiro Gambia. As illas foron bautizadas nese entón como Illas Middlebrooks.
Middlebrooks reclamou as illas para os Estados Unidos seguindo o Acta de Illas Guaneras, segundo o cal os norteamericanos podían establecerse temporalmente nunha illa deshabitada para explotar o guano.
O 28 de agosto de 1867 o Capitán William Reynolds, do buque USS Lackawanna, tomou posesión formal das illas para os Estados Unidos. Tempo despois, cambiouse o nome das illas polo de Midway. Este atol transformouse así na primeira porción de territorio non continental en ser anexado polos Estados Unidos. Midway é a única illa no Arquipélago de Hawai que non forma parte do Estado de Hawai.
![](https://upload.wikimedia.org/wikipedia/commons/thumb/c/c1/Aerial_view_of_Midway_Atoll_on_24_November_1941_%2880-G-451086%29.jpg/220px-Aerial_view_of_Midway_Atoll_on_24_November_1941_%2880-G-451086%29.jpg)
![](https://upload.wikimedia.org/wikipedia/commons/thumb/2/2a/Flag_of_the_Midway_Islands_%28local%29.svg/220px-Flag_of_the_Midway_Islands_%28local%29.svg.png)
Notas
[editar | editar a fonte]- Ladd, H.S., J.I. Tracey Jr., e M.G. Gross. 1967. Drilling at Midway Atoll. Science, 156 (3778): 1088–1095 (26 de maio de 1967).
Ligazóns externas
[editar | editar a fonte]![]() |
Commons ten máis contidos multimedia sobre: Atol de Midway |